కాజీపేట, వెలుగు: రైలు ప్రమాదం జరిగినప్పుడు చేపట్టాల్సిన రక్షణ చర్యలపై సికింద్రాబాద్ డివిజన్ ఆధ్వర్యంలో శుక్రవారం కాజీపేటలో మాక్డ్రిల్నిర్వహించారు. సహాయక, నష్ట నివారణ చర్యలు, క్షతగాత్రులను వైద్య సాయం కోసం హాస్పిటల్కు తరలించడం వంటి అంశాలను కళ్లకు కట్టినట్లు చూపించారు.
రైల్వే శాఖ 2024–25 వార్షిక క్యాలండర్లో భాగంగా ఎన్డీఆర్ఎఫ్ సిబ్బందితో కలిసి ఈ మాక్ డ్రిల్ నిర్వహించారు. రైల్వే ప్రిన్సిపల్ చీఫ్ సేఫ్టీ ఆఫీసర్ వెంకటరమణారెడ్డి, ఏడీఆర్ఎం గోపాల్, ఎన్డీఆర్ఎఫ్ డిప్యూటీ కమాండర్ ధర్మేందర్ సింగ్, సీనియర్ డీఎస్ఓ సురేశ్ కుమార్, కాజీపేట సీనియర్ డీఎంఈ స్వరాజ్ కుమార్, సికిద్రాబాద్, కాజీపేటకు చెందిన వివిధ విభాగాల అధికారులు, జిల్లా వైద్య, అగ్నిమాపక, పోలీస్శాఖ అధికారులు పాల్గొన్నారు.
