ఎంసెట్ అగ్రికల్చర్ స్ట్రీమ్ ఎగ్జామ్స్ తేదీలను ఉన్నత విద్యా మండలి ప్రకటించింది. భారీ వర్షాల కారణంగా 13, 14, 15 తేదీల్లో జరగాల్సిన ఎంసెట్ పరీక్ష వాయిదాపడటంతో కొత్త తేదీలు ఖరారు చేసింది. ఈ నెల 30, 31 తేదీల్లో ఉదయం 9 గంటల నుంచి మధ్యాహ్నం 12 గంటల వరకు, మధ్యాహ్నం 3 గంటల నుంచి సాయంత్రం 6గంటల వరకు ఎంసెట్ అగ్రికల్చర్ ఎంట్రెన్స్ ఎగ్జామ్ నిర్వహించనున్నట్లు ఉన్నత విద్యామండలి ఛైర్మన్ ప్రొఫెసర్ లింబాద్రి వెల్లడించారు. ఆగస్టు 1న ఈసెట్, ఆగస్టు 2 నుంచి 5వ తేదీ వరకు పీజీఈసెట్ ప్రవేశ పరీక్షలు నిర్వహించనున్నారు. అభ్యర్థులు ఆయా వెబ్ సైట్ల నుంచి కొత్త హాల్ టికెట్లు డౌన్ లోడ్ చేసుకోవచ్చని చెప్పారు.
