దసరా పండగ సందర్భంగా ప్రయాణికులు టీఎస్ఆర్టీసీ మరో గుడ్ న్యూస్ చెప్పింది. జేబీఎస్ మీదుగా విజయవాడకు 24 బస్సు సర్వీసులు నడుపుతున్నట్లు టీఎస్ఆర్టీసీ ప్రకటించింది. అక్టోబర్ 18 నుండి JBS మీదుగా విజయవాడకు బస్సు సర్వీసులను టీఎస్ఆర్టీసీ ప్రారంభించనుంది. అక్టోబరు 18 నుంచి ఈ సర్వీసులు ఆ మార్గంలో నడపబడతాయని.. టిక్కెట్ ఛార్జీలో కూడా ఎలాంటి మార్పు ఉండదని ఆర్టీసీ తెలిపింది.
జేబీఎస్ మీదుగా 24 సర్వీసులు
తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) ప్రయాణికుల నుండి పెరుగుతున్న అభ్యర్థనలకు స్పందిస్తూ.. అక్టోబర్ 18 నుండి జూబ్లీ బస్ స్టేషన్ (జేబీఎస్) మీదుగా విజయవాడకు బస్సులను నడపాలని నిర్ణయించింది. బీహెచ్ఈఎల్, మియాపూర్ ప్రాంతాల నుంచి బయలుదేరే మొత్తం 24 సర్వీసులు మహాత్మాగాంధీ బస్ స్టేషన్ (ఎంజీబీఎస్)కు బదులుగా జేబీఎస్ ద్వారా నడుస్తాయని అధికారులు తెలిపారు.
ఈ సర్వీసులు కెపిహెచ్బి కాలనీ, బాలానగర్, బోయిన్పల్లి, జేబీఎస్, సంగీత్ జంక్షన్ (పుష్పక్ పాయింట్), తార్నాక (పుష్పక్ పాయింట్), హబ్సిగూడ (పుష్పక్ పాయింట్), ఉప్పల్ (పుష్పక్ పాయింట్), ఎల్బీ నగర్ మీదుగా విజయవాడకు నడుస్తాయని ఆర్టీసీ తెలిపింది.
ప్రస్తుతం బీహెచ్ఈఎల్, మియాపూర్ నుంచి బస్సులు ఎంజీబీఎస్ మీదుగా విజయవాడకు వెళ్తున్నాయి. దీంతో జేబీఎస్, సికింద్రాబాద్, వాటి పరిసరాల్లో నివసించే ప్రయాణికులు ఈ బస్సుల కోసం ఎంజీబీఎస్కు రావాల్సి వచ్చింది.
అయితే ప్రయాణికులు ఈ విషయాన్ని టీఎస్ఆర్టీసీ యాజమాన్యం దృష్టికి తీసుకెళ్లారు. JBS మీదుగా విజయవాడకు బస్సులు నడపాలని విజ్ఞప్తి చేశారు. వారి అభ్యర్థనల మేరకు జేబీఎస్ ద్వారా విజయవాడకు 24 సర్వీసులను నడపాలని కార్పొరేషన్ నిర్ణయించింది. బోవెన్పల్లి, సికింద్రాబాద్, జేబీఎస్, తార్నాక, హబ్సిగూడ, ఉప్పల్ ప్రాంతాల్లో ఉండే వారికి ఈ బస్సు సేవలు ఎంతగానో ఉపయోగపడతాయని టీఎస్ఆర్టీసీ మేనేజింగ్ డైరెక్టర్ వీసీ సజ్జనార్ వివరించారు. ఈ సేవల ముందస్తు రిజర్వేషన్ కోసం ప్రయాణికులు tsrtconline.in ని తనిఖీ చేయవచ్చని సజ్జనార్ వెల్లడించారు.
JBS మీదుగా విజయవాడకు..
* ప్రయాణీకుల అభ్యర్థనలకు టీఎస్ఆర్టీసీ ప్రతిస్పందిస్తుంది
* జేబీఎస్ ద్వారా విజయవాడకు 24 సర్వీసులను ప్రవేశపెట్టింది
* బోయిన్ పల్లి, తార్నాక, ఉప్పల్ నుండి ప్రయాణికులకు ప్రయోజనాలు
* BHEL, మియాపూర్ నుండి బస్సులు JBS మీదుగా వెళ్లాలి
* కొత్త సర్వీస్ రూట్..
- – బాలానగర్
- – బోయిన్ పల్లి
- – జేబీఎస్
- – సంగీత్ జంక్షన్ (పుష్పక్ పాయింట్)
- – తార్నాక (పుష్పక్ పాయింట్)
- – హబ్సిగూడ (పుష్పక్ పాయింట్)
- – ఉప్పల్ (పుష్పక్ పాయింట్)
- – ఎల్బీ నగర్.