ఫోర్జరీ కేసులో టీవీ 9 మాజీ సీఈవో రవి ప్రకాష్ ఇవాళ సైబారబాద్ సీసీఎస్ పోలీసులు ఎదుట విచారణకు హాజరయ్యారు. సుప్రీం కోర్టు ఆదేశాల మేరకు పోలీసులు విచారిస్తున్నారు. ఈ సందర్భంగా సైబారబాద్ సైబర్ క్రైమ్ ఏసీీపీ నివాస్ మాట్లాడుతూ..విచారణ ఇంకా కొనసాగుతుందని రవి ప్రకాష్ విచారణకు సహకరిస్తున్నారని అన్నారు. రవిప్రకాష్ ను అరెస్ట్ చేస్తామా లేదా అనేది ఇప్పుడే చెప్పలేమన్నారు. సినీ నటుడు శివాజీ విచారణకు హాజరు కాలేదన్నారు. ఈ కేసులో ఎవరైనా విచారణకు హాజరు కాకుంటే సుప్రీం కోర్టు ఆదేశాల మేరకు ముందుకెళ్తామన్నారు.
