రంగారెడ్డి జిల్లా రావిర్యాల దగ్గర ఔటర్ రింగ్ రోడ్డుపై యాక్సిడెంట్ జరిగింది. అర్థరాత్రి ఓఆర్ఆర్ పై ఆగివున్న లారీని.. శంషాబాద్ నుంచి పెద్ద అంబర్ పేటకు వెళ్తున్న ట్రక్కు అతివేగంతో వచ్చి ఢీకొట్టింది. ఈ ప్రమాదంలో డ్రైవర్ తో పాటు మరొకరు మృతి చెందారు. బీహార్ కు చెందిన ఉమేష్ తీవ్ర గాయాలతో ట్రక్కు ఇంజన్ లో ఇరుకున్నాడు. దాదాపు 3 గంటల పాటు శ్రమించి రెండు జేసీబీలు, ఒక క్రేన్ సాయంతో అతడ్ని బయటకు తీశారు పోలీసులు. ప్రమాదం జరగగానే ఆగివున్న లారీ డ్రైవర్ అక్కడ నుంచి పరారయ్యారు. గాయపడిన వారిని ఉస్మానియా ఆస్పత్రికి తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నారు పోలీసులు.
