- అందజేసిన కేంద్ర మంత్రి శివరాజ్ సింగ్ చౌహాన్
న్యూఢిల్లీ, వెలుగు: తెలంగాణతోపాటు ఏపీలో భారీ వర్షాలు, వరదల వల్ల జరిగిన నష్టంపై ప్రాథమిక నివేదికను కేంద్ర హోం శాఖ మంత్రి అమిత్ షాకు అందజేసినట్లు కేంద్ర మంత్రి శివరాజ్ సింగ్ చౌహాన్ తెలిపారు. బుధవారం ఎక్స్లో ఈ విషయాన్ని వెల్లడించారు. వర్షాలు, వరదల నేపథ్యంలో శివరాజ్ సింగ్ ఇటీవల తెలుగు రాష్ట్రాల్లో నీట మునిగిన ప్రాంతాలను పరిశీలించారు.
ఈ సందర్భంగా రూపొందించిన రిపోర్టును అమిత్ షాను కలిసి అందజేశారు. త్వరలోనే సెంట్రల్ టీమ్ వరద ప్రభావిత ప్రాంతాల్లో పర్యటించి నష్టాన్ని అంచనా వేయనుందని పేర్కొన్నారు. మరోవైపు సీఎం రేవంత్ రెడ్డి, రాష్ట్ర మంత్రుల బృందం గురువారం కేంద్ర హోంమంత్రి అమిత్ షాను కలిసి రాష్ట్రంలో వరద నష్టాన్ని వివరించనుంది.
