- ఉత్తరప్రదేశ్లో దారుణం
బులంద్షహర్: కోట్లాది రూపాయల అవకతవకలు జరిగినట్టు వచ్చిన ఫిర్యాదుతో సీబీఐ అధికారులు ఓ పోస్టాఫీసుపై దాడి చేయగా.. మరుసటి రోజు ఆ పోస్టాఫీసు సూపరింటెండ్ సూసైడ్చేసుకున్నాడు. ఉత్తరప్రదేశ్లోని బులంద్షహర్లో బుధవారం ఉదయం ఈ ఘటన చోటుచేసుకుంది. బులంద్షహర్లోని ప్రధాన పోస్టాఫీసులో కోట్లాది రూపాయల స్కాం జరగడంతో పాటు ఉద్యోగులపై లంచం ఆరోపణలు రావడంతో.. సీబీఐ, అవినీతి నిరోధక విభాగం అధికారులు మంగళవారం అర్ధరాత్రి ఆ పోస్టాఫీసుపై దాడి చేశారు.
అయితే, ఆ పోస్టాఫీసు సూపరింటెండెంట్ త్రిభువన్ ప్రతాప్ సింగ్ బుధవారం ఉదయం అలీగఢ్లోని తన ఇంట్లో పిస్టల్తో కాల్చుకుని ఆత్మహత్య చేసుకున్నాడు. కాగా, ఒత్తిడి వల్లే ఆయన ఆత్మహత్య చేసుకొని ఉంటాడని పోలీసులు అనుమానిస్తున్నారు.
