- యూఎస్ సింగర్ ఆరోపణ
న్యూయార్క్: భారత ప్రధాని నరేంద్ర మోదీని, దేశ అభివృద్ధిని అడ్డుకోవడానికి కొన్ని విదేశీ శక్తులు ప్రయత్నిస్తున్నాయని అమెరికన్ సింగర్ మేరీ మిల్బెన్ ఆరోపించారు. అభిజీత్ దీప్కే, కాక్రోచ్ జనతా పార్టీ(సీజేపీ)కి యూఎస్కు చెందిన కొందరు ఫండింగ్ చేస్తున్నారని, దీనిని ఇండియాలో ప్రభుత్వాన్ని అస్థిరపరచడానికి వాడుతున్నారని ట్విట్టర్లో పేర్కొన్నారు. ఈ కుట్రలను తిప్పికొట్టడానికి భారత యువత ముందుకు రావాలని పిలుపునిచ్చారు. ‘సైలెంట్గా ఉండాల్సిన టైం కాదిది. ప్రధానమంత్రికి వ్యతిరేకంగా ఉన్న అమెరికాలోని దాతలు నిధులు సమకూరుస్తున్నారు.
మోదీ నాయకత్వంలో యువత భవిష్యత్తు సేఫ్గా ఉంది. భయపడకండి. సీజేపీ వంటి విద్రోహ శక్తుల వైఖరికి వ్యతిరేకంగా శాంతియుతంగా నిరసన చేయాలి. ప్రజాస్వామ్యాన్ని రక్షించడానికి కౌంటర్మూమెంట్ చేపట్టాలి’ అని సూచించారు. మిల్బెన్ 2022లో ఇండియా 75వ ఇండిపెండెన్స్డే వేడుకల సమయంలో స్పాట్లైట్లోకి వచ్చారు. 2023లో మోదీ యూఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను సందర్శించినప్పుడు ఆమె భారత జాతీయ గీతాన్ని పాడారు.
