ఇద్దరు పోలీసులు నేలపై పడుకుని ఉంటారు. వారికి ఓ పక్కన బైక్, మరో పక్కన కారు. మధ్యలో ఫస్ట్ ఎయిడ్ కిట్, హెల్మెట్స్, జాకెట్స్, వాకీ టాకీలు, మంటలను ఆర్పే పరికరాలు. అన్ని రకాల ఎక్విప్ మెంట్స్ ఉంటాయి. ఇదీ యూపీ పోలీసులు ట్విట్టర్లో పెట్టిన ఫొటో. ‘ఎప్పుడైనా రెడీ..’ అంటూ కామెంట్ పెట్టారు. ఇది ఆన్లైన్లో వైరల్ అయిపోతోంది. ఇంతకూ వాళ్లెందుకు ఆ ఫొటోను అంత ప్రత్యేకంగా పెట్టారు? అంటే.. ఇది పోలీసు స్పెషల్ సవాల్! పేరు టెట్రిస్ చాలెంజ్! ఈ నెల ఒకటిన స్విట్జర్లాండ్లోని జూరిక్ పోలీసులు స్టార్ట్ చేశారు. ఎమర్జెన్సీ సర్వీసుల సిబ్బందితో సహా పోలీసులు, ఫైర్ డిపార్ట్మెంట్, పారామెడికల్ సిబ్బంది వాడే వాహనాలు, పరికరాలు చూపించి వాళ్లు ఎంత వరకు రెడీగా ఉన్నారో చాటడం ఈ చాలెంజ్ ఉద్దేశం.
