శామీర్ పేట, వెలుగు: విద్యార్థులు యథార్థ స్థితితో రాజీ పడకుండా ఉన్నత స్థానాలకు చేరుకునేందుకు కృషి చేయాలని మాజీ ఉప రాష్ట్రపతి వెంకయ్య నాయుడు అన్నారు . శుక్రవారం హైదరాబాద్ లోని శామీర్ పేట బిట్స్ పిలానీ ఆవరణలో లాంచ్ ప్యాడ్ 2024 ఎంట్ర ప్రిన్యూరియల్ సదస్సుకు వెంకయ్య నాయుడు ముఖ్య అతిథిగా హాజరై ప్రసంగించారు.
పారిశ్రామిక, వాణిజ్య రంగంలోకి అడుగు పెట్టాలనుకుంటున్న నవతరం ఔత్సాహికులు ఎప్పటికప్పుడు కొత్త ఆలోచనలతో ముందుకు రావాలన్నారు. సుసంపన్నమైన భారత దేశాన్ని ఆవిష్కరించడానికి పెద్ద పెద్ద కలలు కనాలని చెప్పారు. పారిశ్రామిక, వాణిజ్య రంగంలోకి అడుగు పెట్టాలనుకుంటున్న నవతరం ఔత్సాహికులకు లాంచ్ ప్యాడ్ ఒక సువర్ణ అవకాశమని చెప్పారు. కార్యక్రమంలో బిట్స్ ఫిలానీ మాజీ డైరెక్టర్‌ సుందర్‌, డీన్‌ బి. యోగేశ్వరీ ప్రొఫెసర్లు, విద్యార్థులు పాల్గొన్నారు.
