కరోనా నుంచి కూల్​గా కోలుకుంటున్నారు

•                 పేషెంట్లలో పెరుగుతున్న పాజిటివ్ మైండ్​ సెట్
•                 ట్రీట్​మెంట్​తోపాటు డైలీ వాకింగ్, మెడిటేషన్
•                 హెల్దీ డైట్, ఇమ్యూనిటీ పెంచే ఫుడ్
•                 వీడియో కాల్స్​తో ఫ్యామిలీ మెంబర్స్​కి టచ్​లో..

దునియాను షేక్​ చేస్తున్న కరోనా గ్రేటర్​లో వణుకు పుట్టిస్తోంది. మన గల్లీలోనో, పక్క ఆఫీసులోనో వైరస్​ సోకిందంటేనే హడలిపోతున్నారు చాలామంది. మరి, ఐసోలేషన్​లో చేరి ట్రీట్​మెంట్​ తీసుకుంటున్నవాళ్లు, వారి ఫ్యామిలీ మెంబర్స్​పరిస్థితి? మొదట్లో వాళ్లూ పైలాంటి భయాలే ఎదుర్కొన్నారు. ఇప్పుడు మాత్రం పాజిటివ్ మైండ్ సెట్​తో వీలైనంత త్వరగా కోలుకునేందుకు ట్రై చేస్తున్నారు. తమను తాము మోటివేట్ చేసుకుంటూ.. వీడియో కాల్స్​తో ఫ్యామిలీ మెంబర్స్​లోనూ ధైర్యం నింపుతున్నారు.

షెడ్యూల్​ ప్రిపేర్​ చేసుకుని..

కరోనా టెస్ట్​లో పాజిటివ్ ​వచ్చినవాళ్లు 14 రోజులు ఐసోలేషన్​లో ఉంటున్నారు. ఆ టైమ్​లో వైరస్ సోకిందని భయపడకుండా పాజిటివ్ మైండ్ సెట్​తో దాన్నుంచి బయటపడడంపై ఫోకస్​ చేస్తున్నారు. హాస్పిటల్​లో ఇస్తున్న ఫుడ్, మెడిసినే కాకుండా ఫ్రూట్స్, జ్యూస్​లు, ఇమ్యూనిటీ పెంచే లిక్విడ్స్​ తీసుకుంటున్నారు. మెంటల్లీ స్ట్రాంగ్​గా ఉండేందుకు మార్నింగ్ నిద్ర లేవగానే ఎవరికి వారు యోగా, మెడిటేషన్, వాకింగ్ ​వంటివి చేసుకుంటున్నారు. హాట్, లెమన్ వాటర్ తాగుతున్నారు. డైలీ షెడ్యూల్ ప్రిపేర్ చేసుకుని ఫాలో అవుతున్నారు. మరికొందరు ఎక్కువ టైం నేచర్​లో గడుపుతూ రిలాక్స్ అవుతున్నారు.

హోం ఐసోలేషన్​లో ఇలా…

వైరస్​ సింప్టమ్స్ లేకపోవడం వల్ల హాస్పిటల్ నుంచి డిశ్చార్జ్​ అయి ఇంటికి వచ్చి హోం ఐసోలేషన్​లో ఉంటున్న వాళ్లూ ప్రాపర్ డైట్ మెయింటెన్ చేస్తున్నారు. ఇంట్లోనే సెపరేట్ రూమ్​లో ఉంటూ మెడికేషన్ ఫాలో అవుతున్నారు. ఫ్రెండ్స్, రిలేటివ్స్​తో ఫోన్, వీడియో కాల్స్ మాట్లాడుతూ సెల్ఫ్ కాన్ఫిడెన్స్ పెంచుకుంటున్నారు.

వీడియో కాల్స్​తో రిలీఫ్​..

ఐసోలేషన్​లో ఉన్న పేషెంట్​ను ​ఫ్యామిలీ మెంబర్స్ వచ్చి చూసే ఆప్షన్ లేదు. మొదట్లో తమ పరిస్థితి ఫ్యామిలీ మెంబర్స్ కి ​​చూపించి వారిని టెన్షన్ పెట్టడం ఇష్టం లేక పెషెంట్లు వాయిస్ కాల్స్ మాట్లాడేవారు. ప్రస్తుతం డైలీ వీడియో కాల్స్ చేస్తూ ఫ్యామిలీ మెంబర్స్​తో మాట్లాడి రిలీఫ్​ పొందుతున్నారు. కరోనాతో తాను 5 రోజులుగా నేచర్ క్యూర్ హాస్పిటల్ ఐసోలేషన్​లో ఉంటున్నానని, పిల్లలను చూడాలనిపించినప్పుడల్లా వీడియో కాల్స్ చేస్తున్నానని పేషెంట్ శ్రీకర్ చెప్పాడు.

భయం సొల్యూషన్​ కాదు

కరోనా వచ్చిందని తెలియగానే డీలా పడి సెల్ఫ్ కాన్ఫిడెన్స్ కోల్పోవద్దు. నాకు జ్వరమని హాస్పిటల్​కి వెళ్తే టెస్ట్​లో పాజిటివ్ వచ్చింది. నాకు ఇద్దరు చిన్న పిల్లలు. మొదట్లో వారి గురించి భయపడ్డా. కానీ భయం సొల్యూషన్ కాదని  ధైర్యం తెచ్చుకున్నా. ఐసోలేషన్ సెంటర్​లో మార్నింగ్ యోగా, వాకింగ్ చేస్తా. నేనే జ్యూస్ చేసుకుంటున్నా. హాస్పిటల్​లో మంచి ఫుడ్ ఇస్తున్నరు. డ్రై ఫ్రూట్స్ తెప్పించుకుని తింటున్నా. ఇంట్లో వాళ్లతో డైలీ వీడియో కాల్ మాట్లాడుతున్నా. ఇప్పుడు వాళ్లు కూడా ధైర్యంగానే ఉన్నారు. కొద్దిరోజుల్లో పూర్తిగా కోలుకుంటాననే నమ్మకం ఏర్పడింది.

 ‑ శివ, కరోనా పేషెంట్

డైలీ వీడియో కాల్స్​ చేస్తుంటా

నీరసంగా ఉందని గాంధీకి వెళ్తే కరోనా అని తేలింది. మొదట్లో కంగారు పడ్డా. ఇంట్లో వాళ్లు భయపడ్డారు. వారం నుంచి ఐసోలేషన్​లో  ఉంటున్నా.  ఇంట్లో వాళ్లు టెన్షన్​ అవకుండా ముందు నేను స్ట్రాంగ్​గా​ ​ఉండాలని ఫిక్స్​ అయ్యా. నేను ధైర్యంగా ఉన్నానని  చెప్పడానికి డైలీ వీడియో కాల్స్ చేసి మాట్లాడుతున్నా.

‑ మహేశ్​, కరోనా పేషెంట్