- నిర్వాహకులకు ఫుడ్ సేఫ్టీ అధికారుల నోటీసులు
బషీర్బాగ్, వెలుగు: ఐమ్యాక్స్ సమీపంలోని ప్రముఖ ప్యారడైజ్ బేకరీలో ఎలుకల సంచారం వీడియో ప్రస్తుతం సోషల్మీడియాలో చక్కర్లు కొడుతోంది. ఓ కస్టమర్ టీ తాగడానికి బుధవారం ఉదయం బేకరీకి వెళ్లగా, అక్కడ ఉన్న బిస్కెట్స్ బాక్స్ మధ్య నుంచి ఎలుకలు బయటకు రావడంతో సెల్ఫోన్లో వీడియో తీశాడు. ఇదేంటని నిర్వాహకులను ప్రశ్నించగా, నిర్లక్ష్యంగా జవాబిచ్చారు.
దీంతో సదరు వీడియోను కస్టమర్ సోషల్మీడియాలో పోస్ట్ చేస్తూ ఫుడ్ సేఫ్టీ అధికారులను ట్యాగ్ చేశాడు. వీడియో కాస్త వైరల్ కావడంతో బేకరీ నిర్వాహకులు దిగొచ్చారు. బిస్కెట్స్ బాక్స్ను తొలగించి, మరోసారి ఇటువంటి ఘటనలు రిపీట్కాకుండా చూస్తామన్నారు. అయితే, ఈ వీడియో ఆధారంగా బేకరీ యాజమాన్యానికి ఫుడ్ సేఫ్టీ అధికారులు నోటీసులు జారీ చేశారు
