చేర్యాల, వెలుగు: సిద్దిపేట జిల్లా చేర్యాల మండల కేంద్రంలోని బండపల్లికి చెందిన ముస్త్యాల అంజయ్య ఇంటి కరెంట్బిల్లు రూ. 5,30,539 రావడంతో ఆయన ఒక్కసారిగా అవాక్కయ్యాడు. ఈ నెల 13న అతని ఇంటికి వచ్చిన మీటర్బాయ్ ప్రీవియస్ రీడింగ్6,386 ఉండగా దాన్ని 64,432గా నమోదు చేయడంతో బిల్లు ఏకంగా రూ.5 లక్షలు దాటింది. హుటాహుటిన లోకల్కరెంట్బిల్లు ఆఫీసుకు వెళ్లగా.. పైఆఫీసర్వద్దకు వెళ్లాలని అక్కడున్నవారు సూచించారు. ఈ విషయంపై ఏఈ మల్లేశ్వర్ను వివరణ కోరగా.. బిల్లులు కొట్టే సిబ్బంది సమ్మెలో ఉండటంతో కొత్త సిబ్బందిని తీసుకున్నట్లు చెప్పారు. ఈ నెల 13న బిల్లు రీడింగ్కొడుతున్న సమయంలో స్పాట్ డిజిట్స్ పొరపాటు కొట్టడంతో బిల్లు రూ.5 లక్షలు దాటిందని, అతడి ఇంటికి వెళ్లి మళ్లీ సవరించి కొట్టగా.. రూ.162 బిల్లు వచ్చినట్లు తెలిపారు.
