హైదరాబాద్, వెలుగు: హైదరాబాద్ కేంద్రంగా పనిచేస్తున్న ఎన్పీసీఐ సర్టిఫైడ్ సాంకేతిక సేవల సంస్థ వియోనా ఫిన్టెక్ తన డిజిటల్ చెల్లింపుల వ్యవస్థను ఆఫ్రికా మార్కెట్లకు విస్తరిస్తోంది. ఇందులో భాగంగా జింబాబ్వేలో ట్యాప్ అండ్ పే ప్లాట్ఫామ్ సేవలను ప్రారంభించనున్నట్లు ప్రకటించింది.
వ్యాపారులు ప్రత్యేకంగా పాయింట్ ఆఫ్ సేల్ యంత్రాలు కొనాల్సిన అవసరం లేకుండా, ఎన్ఎఫ్సీ ఆధారిత సాఫ్ట్ పోస్ ద్వారా స్మార్ట్ఫోన్లనే చెల్లింపుల టెర్మినల్స్గా మార్చే టెక్నాలజీని అందిస్తోంది. యూపీఐని వాడుకోవడానికి జింబాబ్వే సెంట్రల్ బ్యాంకుతో ఎన్పీసీఐ చర్చిస్తున్న నేపథ్యంలో వియోనా ఈ విస్తరణ చేపట్టింది. జింబాబ్వేలో నెలకు 200 బిలియన్లకు పైగా డిజిటల్ లావాదేవీలు జరుగుతున్నాయి. చిన్న వ్యాపారులకు తక్కువ ఖర్చుతో కూడిన డిజిటల్ సేవలు అందించడమే తమ లక్ష్యమని వియోనా వ్యవస్థాపకుడు రవీంద్రనాథ్ తెలిపారు.
