వరల్డ్ రికార్డ్ క్రియేట్ చేసిన కోహ్లీ: టీ20 క్రికెట్ చరిత్రలో తొలి బ్యాటర్‎గా అరుదైన ఘనత

టీమిండియా, ఆర్సీబీ స్టార్ బ్యాటర్ విరాట్ కోహ్లీ టీ20 ఫార్మాట్‎లో మరో అరుదైన ఘనత సాధించాడు. ఐపీఎల్ మొదలైనప్పటి నుంచి ఆర్సీబీ తరుఫునే ఆడుతోన్న కోహ్లీ.. ధనాధన్ లీగులో ఇప్పటి వరకు 800 ఫోర్లు కొట్టాడు. తద్వారా.. టీ20 ఫార్మాట్‎లో ఒకే జట్టు తరుఫున 800 ఫోర్లు కొట్టిన తొలి ఆటగాడిగా వరల్డ్ రికార్డ్ క్రియేట్ చేశాడు. ఐపీఎల్ 18లో భాగంగా శుక్రవారం (మే 24) సన్ రైజర్స్ హైదరాబాద్‎తో జరిగిన మ్యాచులో కోహ్లీ రికార్డ్ సాధించాడు.

విరాట్ తర్వాత 694 ఫోర్లతో జేమ్స్ విన్స్ సెకండ్ ప్లేస్‎లో ఉన్నాడు. విన్స్ హాంప్‌షైర్ తరపున బరిలోకి దిగాడు. ముంబై తరుఫున 550 ఫోర్లు బాది టీమిండియా స్టార్ బ్యాటర్ రోహిత్ శర్మ ఈ జాబితాలో నాలుగో స్థానంలో ఉన్నాడు. ఇక, మ్యాచ్ విషయానికి వస్తే కోహ్లీ, సాల్ట్ రాణించినప్పటికీ హైదరాబాద్‎పై ఆర్సీబీ ఓటమి పాలైంది. బ్యాటింగ్, బౌలింగ్ విభాగాల్లో సమిష్టిగా రాణించిన సన్ రైజర్స్ హైదరాబాద్ విజయం సాధించింది.

ఇక.. కోహ్లీ మాత్రం ఈ సీజన్‎లో అద్భుతంగా రాణిస్తున్నాడు. ఇప్పటి వరకు 12 మ్యాచులు ఆడిన రన్ మెషిన్.. 143 స్ట్రైక్ రేట్‎తో 548 పరుగులు చేశాడు. ఈ సీజన్ లో 8 విజయాలు సాధించి ఆర్సీబీ ఫ్లే ఆఫ్స్ చేరుకుంది. లీగ్ లో చివరి మ్యాచ్ లక్నో సూపర్ జెయింట్స్‎తో తలపడనుంది. 2025, మే 26 లక్నోలోని ఎకానా స్టేడియం వేదికగా ఈ మ్యాచ్ జరగనుంది.