- రాజకీయ రంగు పులిమేందుకే మాజీ ఎంపీ వివేక్ పేరు లాగారు
- హైదరాబాద్ సీపీ ప్రెస్నోట్ను ఖండిస్తున్నం: విశాక ఇండస్ట్రీస్
హైదరాబాద్, వెలుగు: ఇటీవల హైదరాబాద్లో పోలీసులు స్వాధీనం చేసుకున్న డబ్బుతో విశాక ఇండస్ట్రీస్ ఓనర్ మాజీ ఎంపీ వివేక్ వెంకటస్వామికి ఎటువంటి సంబంధం లేదని ఆ కంపెనీ స్పష్టం చేసింది. ఆ అంశానికి రాజకీయ రంగు పులిమేందుకు కావాలనే వివేక్ పేరును ప్రచారంలోకి తెచ్చారని పేర్కొంది. ఈ మేరకు విశాక ఇండస్ట్రీస్ చీఫ్ ఫైనాన్షియల్ ఆఫీసర్ మంగళవారం ఒక ప్రకటన విడుదల చేశారు. హైదరాబాద్ పోలీస్ కమిషనర్ విడుదల చేసిన ప్రెస్నోట్లో వివేక్ పేరును ప్రస్తావించడాన్ని ఖండిస్తున్నట్టు తెలిపారు.
