కోలీవుడ్ లో విలక్షణమైన గొంతు, పవర్ ఫుల్ స్క్రీన్ ప్రెజెన్స్ తో ప్రత్యేక గుర్తింపును సొంతం చేసుకున్న నటుడు అర్జున్ దాస్. 'ఖైదీ', 'మాస్టర్' వంటి చిత్రాలతో తెలుగు ప్రేక్షకులకు దగ్గరైన ఈ హీరో ఇప్పుడు మరో ఆసక్తికరమైన మూవీతో రెడీ అయ్యారు. మధుమిత దర్శకత్వంలో 'జాన్ డో' అనే సైకలాజికల్ క్రైమ్ థ్రిల్లర్‌తో థ్రిల్ చేయడానికి ప్రేక్షకుల ముందుకు వస్తున్నారు. లేటెస్ట్ గా ఈ మూవీ ట్రైలర్ ను యంగ్ డైరెక్టర్ లోకేష్ కనగరాజ్ చేతుల మీదుగా రిలీజ్ చేశారు.
ఈ ట్రైలర్ చూస్తుంటే మిస్సింగ్ కేసుల వెనుక ఎంతటి భయంకరమైన నేర సామ్రాజ్యం దాగి ఉందో చూపించబోతున్నట్లు తెలుస్తోంది. ఓ చిన్నారి అదృశ్యమైన కేసును అర్జున్ దాస్ విచారించాల్సి వస్తుంది. మొదట సాధారణ మిస్సింగ్ గా కేసుగా కనిపిస్తుంది. విచారణ వ్యవహారం ముందుకు సాగే కొద్ది ఊహించిన మలుపులు తిరుగుతుంది. ఒకరు కాదు.. ఇద్దరు కాదు.. ఏకంగా 17 మంది చిన్నారులు మిస్సింగ్ , వరుస హత్యల వెనుక ఉన్న భయంకరమైన నెట్ వర్క్ బయటపడే సూచనలు ట్రైలర్ లో చూపించారు. అసలు ఈ చిన్నారులను ఎవరు కిడ్నాప్ చేస్తున్నారు. దీని వెనుక ఉన్నది ఎవరు? అనే ప్రశ్నలు ఆసక్తిని పెంచుతున్నాయి.
ALSO READ : బాలీవుడ్ తుషార్ కపూర్‌కు బిష్ణోయ్ గ్యాంగ్ బెదిరింపులు..
ఈ 'జాన్ డో' ట్రైలర్ ను రిలీజ్ చేసిన సందర్భంగా సంచలన దర్శకుడు లోకేష్ కనగరాజ్ చిత్రబృందానికి శుభాకాంక్షలు తెలిపారు. దీంతో ఈ మూవీపై అంచనాలు మరింత పెంచాయి. సస్పెన్స్ , భయం, ఉత్కంఠతో సాగిన ట్రైలర్ ప్రేక్షకుల్లో ఆసక్తి రేకెత్తిస్తోంది. జారా వినీత్, సంచనా నటరాజన్, సృష్టి తదితరులు కీలక పాత్రల్లో నటించారు. మధుమిత , నికోలస్ చెవాలియన్ కలిసి స్క్రీన్ ప్లే రూపొందించారు. ఈ చిత్రానికి ముజీబ్ మజీద్ సంగీతం అందించారు. నవంబర్ 13న ఈ సైకలాజికల్ క్రైమ్ థ్రిల్లర్‌ ప్రేక్షకుల ముందుకు రానుంది. ఈ చిత్రం డిజిటల్ హక్కులను నెట్ ఫ్లిక్స్ సొంతం చేసుకుంది. మరి అర్జున్ దాస్ 'జాన్ డో' బాక్సాఫీస్ వద్ద ఎలాంటి రికార్డులు సృష్టిస్తుందో చూడాలి.
