- అజెండాలో16 అంశాలపై తీర్మానం చేసినట్లు మేయర్ప్రకటన
- మీటింగ్లో వివరాలన్నీ గోప్యం
- కౌన్సిల్ సమావేశానికి పోలీస్ బందోబస్త్
ఖమ్మం కార్పొరేషన్, వెలుగు: అత్యంత కట్టుదిట్టమైన పోలీసుల భద్రత మధ్య ఖమ్మం మున్సిపల్ కార్పొరేషన్ కౌన్సిల్మీటింగ్ బుధవారం జరిగింది. మేయర్ పునుకొల్లు నీరజ అధ్యక్షతన జరిగిన మీటింగ్ను కాంగ్రెస్ కార్పొరేటర్లు వాకౌట్ చేయడం, రూలింగ్ పార్టీ ప్రజాప్రతినిధులే తీర్మానాలు చేసేశారు. జీవో నం.216ను చూపి మీటింగ్కు మీడియాకు అనుమతి నిరాకరించారు. దీంతో కౌన్సిల్ మీటింగ్ లో ఏం జరిగిందో అంతా సీక్రెట్గానే ఉంది. మీటింగ్ జరుగుతున్నంత సేపు మున్సిపల్ కార్పొరేషన్ బిల్డింగ్ మెయిన్గేట్ అవుట్పోస్ట్ వద్ద, లోపల గేటు, కౌన్సిల్ హాల్ వద్ద పోలీసులను మోహరించారు. ఇలా పోలీసుల బందోబస్తు మధ్య మీటింగ్ నిర్వహించడం చర్చనీయాంశమైంది. మీటింగ్స్టార్టయిన కాసేపటికే కాంగ్రెస్ కార్పొరేటర్లు నలుగురు వాకౌట్బయటకు వచ్చారు. కౌన్సిల్ మీటింగ్లో అజెండాలోని 16 అంశాలపై చేసిన తీర్మానాలను సభ్యులందరూ ఆమోదించినట్లు మేయర్ పునుకొల్లు నీరజ మీడియాకు సమాచారమిచ్చారు. ఈ మీటింగ్లో ఎమ్మెల్సీ తాత మధుసూదన్ ఎక్స్అఫీషియో మెంబర్గా ప్రమాణం చేశారు. అనంతరం ఎమ్మెల్సీ నిధులను ఖమ్మం అభివృద్ధికి కేటాయించాలని మేయర్ నీరజ .. తాతా మధుసూదన్ను కోరారు.
కాంగ్రెస్ కార్పొరేటర్లు వాకౌట్...
మీటింగ్ ప్రారంభమైన కొద్దిసేపటికే విపక్ష కాంగ్రెస్ సభ్యులు సభను వాకౌట్ చేసి బయటకు వచ్చారు. వారు మీడియాతో మాట్లాడుతూ.. తమ డివిజన్లలోని సమస్యలను గత మీటింగ్లలో ప్రస్తావించగా నేటికీ వాటిని పరిష్కరించలేదన్నారు. పాలకవర్గం సొంత ఎజెండా ప్రకారం నడుచుకుంటోందని, ప్రతిపక్షాల డివిజన్లపై వివక్ష చూపుతున్నారని ఆరోపించారు. తమ డివిజన్ల సమస్యలు కౌన్సిల్ దృష్టికి తీసుకువస్తే పట్టించుకోవడం లేని కాంగ్రెస్ కార్పొరేటర్లు వాపోయారు. మీకు ఇవ్వం ఏం చేసుకుంటారో చేసుకోండని అంటున్నారని ఆవేదన వ్యక్తం చేశారు.
