- ఇబ్బందులు పడుతున్న రోగులు, సిబ్బంది
లింగంపేట,వెలుగు : లింగంపేట పీహెచ్సీలో పదిహేను రోజులుగా నీటి కొరత ఏర్పడింది. దీంతో హాస్పిటల్కు వచ్చిపోయే రోగులు, వైద్య సిబ్బంది తీవ్ర ఇబ్బందులు పడుతున్నారు. వివిధ ఆరోగ్య సమస్యలతో నిత్యం పదుల సంఖ్యలో రోగులు హాస్పిటల్కు వస్తుంటారు. వీరితో పాటు గర్భిణులు, డెలివరీ అయిన మహిళలు కూడా ఉంటారు. నీటి కొరతతో బాత్రూమ్ వెళ్లేందుకు కూడా ఇబ్బంది పడుతున్నామని వారు వాపోతున్నారు.
ఏడాది కింద హాస్పిటల్లో వాటర్పైప్లైన్ కు మరమ్మతులు చేయించారు. కానీ నామ్కే వాస్తే పనులతో కొద్దిరోజులకే పైప్లైన్ విరిగి, సమస్య ఏర్పడుతోంది. హాస్పిటల్ డాక్టర్ హిమబిందును ప్రశ్నించగా, నీటి కొరత ఉన్న మాట వాస్తవమేనని
కోతులు తరచుగా పైపులు విరగొడుతుండడంతో ఈ పరిస్థితి ఏర్పడుతోందని చెప్పారు. ఇదివరకే రూ.20 వేల సొంత డబ్బులు ఖర్చుచేసి నీటిసరఫరాను పునరుద్ధరించినట్లు చెప్పారు. రెండుమూడు రోజుల్లో పైప్లైన్ బాగు చేయిస్తామన్నారు.
