- గత ఏడాది 56,527 మాత్రమే
- వాటర్ బోర్డు చరిత్రలో రికార్డు
- వెస్ట్, క్యూర్ ఏరియా నుంచే ఎక్కువ
- ఎల్నినో ఎఫెక్ట్తో గ్రౌండ్ వాటర్పెరగక తిప్పలు
హైదరాబాద్సిటీ, వెలుగు : వాటర్ బోర్డు చరిత్రలో రికార్డు స్థాయిలో ట్యాంకర్ల బుకింగ్లు జరుగుతున్నాయి. ఎండాకాలంలో భూగర్భ జలాలు తగ్గి డిమాండ్ఎక్కువగా ఉందనుకుంటే...వానాకాలం వచ్చినా బుకింగ్ల సంఖ్య ఆ లెవెల్లోనే ఉంది. వేసవిలో అంటే ఏప్రిల్, మే నెలల్లో అత్యధికంగా రోజుకు 16 వేల నుంచి 18 వేల వరకు వాటర్ట్యాంకర్ల బుకింగ్స్జరిగాయి.
జూన్మొదటి వారం నుంచి ట్యాంకర్ల బుకింగ్సంఖ్య తగ్గుతుందని భావించామని, కానీ రెండు వారాల కింద అనూహ్యంగా 18 నుంచి 20వేలు, ఇప్పుడు కొంచం తగ్గి 13వేల నుంచి 15వేలకు చేరిందని వాటర్బోర్డు ప్రకటించింది. సాధారణంగా ఈ సీజన్లో ఎప్పుడూ 4వేల వరకే బుకింగ్లు వస్తుంటాయని, కానీ వర్షాభావ పరిస్థితులతో డిమాండ్అస్సలు తగ్గడం లేదని అధికారులు చెప్తున్నారు. గతంలో జూలై నెలల్లో 24 గంటల్లో డెలివరీ చేసేవాళ్లమని, కానీ ఇప్పుడు మూడు రోజుల వరకు పడుతోందని చెప్తున్నారు.
ఒక క్యాన్ నంబర్కు ఎనిమిదే.. అయినా..
వాటర్బోర్డు రూల్స్ప్రకారం ఒక్కో క్యాన్ నెంబర్పై నెలకు 8 ట్యాంకర్లకు మించి బుక్చేసుకునే అవకాశం లేదు. ఇంతకుముందు ఏ వినియోగదారుడు కూడా నెలకు 8 ట్యాంకర్లు బుక్చేసుకున్నది లేదు. కానీ ఈ ఏడాది తీవ్ర నీటి ఎద్దడి కారణంగా వెస్ట్సిటీలోనే చాలామంది కస్టమర్లు 8 దాటి..12 ట్యాంకర్ల వరకు బుక్చేస్తే అధికారులు రిజెక్ట్చేస్తున్నారు.
దీంతో ప్రైవేట్ట్యాంకర్ల వైపు మళ్లుతున్నారు. అపార్ట్మెంట్ల విషయానికి వస్తే 25 వరకు ఫ్లాట్స్ఉన్న అపార్ట్మెంట్కు నెలకు 30 ట్యాంకర్లు, 100 నుంచి 150 ఫ్లాట్స్ఉన్న అపార్ట్మెంట్అయితే 60 ట్యాంకర్ల వరకే సరఫరా చేయాలన్న రూల్ ఉంది. కానీ సగం వరకు అపార్ట్మెంట్ల నుంచి వీటికి మించి బుకింగ్స్వస్తున్నాయని అధికారులు అంటున్నారు.
ఇక్కడే ఎక్కువ నీటి సమస్య
వెస్ట్సిటీలో, కొత్తగా బోర్డు పరిధిలో విలీనమైన ప్రాంతాల్లోనూ నీటి సమస్య ఎక్కువగా ఉంది. బోర్లు ఎండిపోవడం, ఇంకుడు గుంతలు ఏర్పాటు చేసుకోకపోవడం వల్ల ఈ సమస్య తలెత్తింది. నానక్రామ్గూడ, కోకాపేట, మణికొండ, వట్టి నాగులపల్లి, తెల్లాపూర్, గండిపేట, నార్సింగి, కొండాపూర్, కూకట్పల్లి, శేరిలింగంపల్లి, కుత్బుల్లాపూర్, ఎస్ఆర్నగర్వంటి ప్రాంతాల్లో వాటర్ట్యాంకర్లకు డిమాండ్ఎక్కువగా ఉంది.
హైరైజ్ బిల్డింగులతోనే సమస్య..
హైదరాబాద్ నగరంలో పెద్దగా బుకింగ్లు లేవని, ప్రధానంగా క్యూర్ పరిధిలోని ప్రాంతాలు, వెస్ట్ సిటీ నుంచే అత్యధికంగా ట్యాంకర్లు బుక్ అవుతున్నాయని అధికారులు చెప్తున్నారు. అక్కడ ఉన్న పెద్ద పెద్ద హోటల్స్, హైరైజ్ బిల్డింగులు, కొన్ని టౌన్షిప్స్ వెయ్యి నుంచి రెండువేల అడుగుల వరకు బోర్లు వేస్తుండడంతో చుట్టుపక్కల ఆరు కిలోమీటర్ల వరకు నీళ్లు రావడం లేదని, అందుకే వాటర్ ట్యాంకర్లపై ఆధారపడుతున్నారని చెప్తున్నారు. హాస్టల్స్, మెస్లు, టిఫిన్సెంటర్లు, ఇండ్లు, అపార్ట్మెంట్లలో నీళ్లు రాక ట్యాంకర్లను బుక్ చేస్తున్నారని అంటున్నారు.
మూడు నెలల నీటి ట్యాంకర్ల బుకింగ్ ఇలా..
సంవత్సరం ఏప్రిల్ మే జూన్
2024 1,74,376 1,63,421 74,860
2025 2,18,167 2,09,724 56,527
2026 2,37,328 2,40,465 2,45,231
