గద్వాల, వెలుగు: గద్వాల పట్టణంలోని ఈద్గా పెండింగ్ పనులను వచ్చే రంజాన్ పండుగ నాటికి కంప్లీట్ చేస్తామని జడ్పీ చైర్పర్సన్ సరిత తెలిపారు. ఆదివారం ఆఫీసర్లు, మైనార్టీ లీడర్లతో కలిసి ఈద్గా పనులను పరిశీలించారు. ఈ సందర్భంగా ఆమె మాట్లాడుతూ గత ప్రభుత్వం రూ.2.25 కోట్లు మంజూరు చేసినా, ఇప్పటికీ పనులు పెండింగ్ లోనే ఉన్నాయన్నారు.
గత ప్రభుత్వ నిర్లక్ష్యంతోనే పనులు ముందుకు సాగలేదన్నారు. పనుల పెండింగ్ వివరాలను పీఆర్ ఏఈ బషీర్ ను అడిగి తెలుసుకున్నారు. పెండింగ్ పనులను పూర్తి చేయాలని, అదనపు నిధులుఅవసరమైతే ప్రభుత్వం నుంచి తీసుకొస్తానన్నారు. బండ్ల రాజశేఖర్ రెడ్డి, శంకర్, మధుసూదన్ బాబు, ఇసాక్, యూసుఫ్ ఉన్నారు.
