బరువు తగ్గాలి అనుకునేవాళ్ల డైట్లో నట్స్, డ్రై ఫ్రూట్స్ కచ్చితంగా ఉండాలి. ముఖ్యంగా పిస్తాలో ఫైబర్ ఎక్కువ ఉంటుంది. మిగతా నట్స్తో పోల్చితే వీటిలో క్యాలరీలు తక్కువ ఉంటాయి. అందుకే వీటిని తింటే పొట్ట నిండుగా ఉండి, తొందరగా ఆకలి వేయదు. దాంతో బరువు తగ్గడం ఈజీ అవుతుంది అంటున్నారు న్యూట్రిషనిస్ట్లు. పిస్తాతో మరిన్ని లాభాలున్నాయి. అవేంటంటే...
- పిస్తాలోని విటమిన్–బి6 హెమోగ్లోబిన్ తయారీకి చాలా అవసరం. రక్తంలో చక్కెర పెరగకుండా చూస్తుంది కూడా.
- కళ్ల మీద బ్లూ లైట్ ప్రభావం కనిపించకూడదంటే పిస్తా తినాలి.
- ఇందులోని యాంటీ ఆక్సిడెంట్లు, పాలీఫినాల్స్ ఇమ్యూనిటీని పెంచుతాయి. గుండె జబ్బుల ముప్పుని కూడా తగ్గిస్తాయి.