ప్రస్తుతం భారతదేశంలో కరెన్సీని రిజర్వ్ బ్యాంక్ ఆఫ్ ఇండియా జారీ చేస్తోంది. మెటల్ నాణేలు లేదా కాగితం నోట్లయినా, RBI వాటన్నింటినీ జారీ చేస్తుంది. భారతీయ కరెన్సీ గురించి చెప్పాలంటే అది ఈ రోజుది కాదు. దానికి దాదాపు 2వేల సంవత్సరాల చరిత్ర ఉంది. భారతదేశంలో నాణేలు ఎప్పట్నుంచో ఉన్నా.. నోట్లు మాత్రం ఆ తర్వాతే వచ్చాయి. ఇప్పుడున్న ఇండియన్ కరెన్సీని గనక పరిశీలిస్తే చాలా మార్పులు కనిపిస్తాయి.
భారతదేశంలోని అన్ని నోట్లపై గాంధీజీ చిత్రాన్ని ముద్రించి ఉండడం అందరికీ తెలిసిన విషయమే. 1969లో రిజర్వ్ బ్యాంక్ ఆఫ్ ఇండియా నోట్లపై గాంధీ చిత్రాన్ని మొదటిసారిగా ముద్రించింది. ఈ ఫొటో బర్త్ సెంటెనరీ మెమోరియల్ డిజైన్. ఈ ఫోటోలో వెనుక వైపున సేవాగ్రామ్ ఆశ్రమం కూడా ఉంటుంది. ఇంతకు ముందు ఈ నోట్‌పై అశోక స్తంభం చిత్రం ఉండేది. అయితే రూ. 100 రూపాయల నోటుపై కనిపించే పర్వతం ఏ పర్వతం ఫోటో అనేది చాలా మందికి తెలిసి ఉండదు.
ఏ పర్వతం ఫొటో అంటే..
చాలా మందికి ఈ విషయం గురించి అంతగా తెలియకపోవచ్చు. రూ. 100 నోటుపై ప్రపంచంలోనే మూడవ ఎత్తైన పర్వత శిఖరమైన కాంచన్‌జంగా అనే పర్వతం. ఈ ఫొటో భారతదేశంలోని అత్యంత అందమైన, చిన్న రాష్ట్రమైన సిక్కింలోని పెల్లింగ్ నుంచి తీసుకున్నారు.
కాంచన్‌జంగా పర్వతం
కాంచన్‌జంగా పర్వతాన్ని నేపాలీ భాషలో కాంచన్‌జంగా అని, ఇంగ్లీషులో కంచన్‌జాఘా అని, లింబు భాషలో సేవాలుంగ్మా అని పిలుస్తారు. ఈ పర్వతం భారతదేశంలోని సిక్కిం రాష్ట్రానికి వాయువ్యంగా నేపాల్ దేశ సరిహద్దులో ఉంది. అంతే కాదు కాంచన్‌జంగా ప్రపంచంలోనే మూడవ ఎత్తైన పర్వతం. ఇది 8,586 మీటర్ల ఎత్తు కలిగి ఉంటుంది. ఇది హిమాలయ పర్వత శ్రేణిలో భాగం కూడా.
