బరువు తగ్గడం, ఫిట్గా ఉండడం కోసం ట్రెడ్మిల్ వర్కవుట్స్ చేస్తుంటారు చాలామంది. కొత్తగా ట్రెడ్మిల్ మీద వాకింగ్, స్లో రన్నింగ్ వంటివి చేసేవాళ్లు కొన్ని విషయాలు గుర్తుంచుకోవాలి అంటున్నారు ఫిట్నెస్ ట్రైనర్స్.
- తొందరగా బరువు తగ్గాలి, ఫిట్ అవ్వాలి అని ఆలోచిస్తూ ట్రెడ్మిల్ మీద రన్నింగ్ చేయొద్దు. పూర్తిగా మనసు పెట్టి కనీసం 20-–40 నిమిషాలు రన్నింగ్ చేయాలి. అప్పుడే అనుకున్న రిజల్ట్ వస్తుంది.
- ట్రెడ్మిల్ మీద వర్కవుట్ చేయడానికి ముందు కచ్చితంగా వామప్ చేయాలి. వామప్ స్కిప్ చేస్తే ట్రెడ్మిల్ మీద రన్నింగ్ చేసేటప్పుడు గాయాలు అయ్యే ఛాన్స్ ఎక్కువ. అలాగే పరిగెత్తే వేగం కూడా తగ్గుతుంది.
- పెద్ద అడుగులు వేస్తూ నడవడం, పరిగెత్తడం వల్ల ఇంజ్యూరిస్ రిస్క్, కండరాల మీద ఒత్తిడి పెరుగుతుంది.
- ట్రెడ్మిల్ మీద వాకింగ్, రన్నింగ్ చేస్తున్నప్పుడు పదేపదే కాళ్లను చూసుకుంటుంటే బ్యాలెన్స్ తప్పుతుంది. దాంతో కిందపడిపోతారు. అలాకాకుండా మెడ, వెన్నెముక నిటారుగా ఉంచి వాకింగ్, రన్నింగ్ చేయాలి.
- ట్రెడ్మిల్ ఒకే రకమైన వర్కవుట్స్కు మాత్రమే పనికొస్తుందని అనుకుంటారు కొందరు. అయితే, ట్రైనర్ సాయంతో ట్రెడ్మిల్ మీద వెరైటీ ఎక్సర్సైజ్లు కూడా చేయొచ్చు.
చాలామంది రన్నింగ్ బెల్ట్ మీద ముందుకీ లేదా వెనక్కీ పరిగెత్తుతారు. ఇలాచేస్తే ట్రెడ్మిల్ మీద రన్నింగ్ చేసినా ఉపయోగం ఉండదు.అలాగే, వర్కవుట్స్ చేసేటప్పుడు ట్రెడ్మిల్ బార్ పట్టుకోవద్దు. చేతులను కదిలిస్తూ బాడీ పోశ్చర్ మార్చుకోవాలి. ఇలాచేస్తే, ఎక్కువ క్యాలరీలు కరుగుతాయి.ట్రెడ్మిల్ మీద రన్ చేసేందుకు కంఫర్ట్గా ఉండే షూ వేసుకోవాలి.