- భద్రాచలం ఏరియా దవాఖానలో డెలివరీ
- ఇప్పటికే ఏడుగురు సంతానం
- అన్నీ సాధారణ ప్రసవాలే...
భద్రాచలం,వెలుగు: చత్తీస్గఢ్కు చెందిన ఓ మహిళ ఒకేసారి ముగ్గురు పిల్లలకు జన్మనిచ్చింది. భద్రాద్రి కొత్తగూడెం జిల్లా భద్రాచలం ఏరియా దవాఖానలో బుధవారం హెడ్నర్స్
విజయశ్రీ ఆధ్వర్యంలో సిబ్బంది సాధారణ కాన్పు చేశారు. ఆ మహిళకు ఇది 8వ కాన్పు. బీజాపూర్ జిల్లా ఊసూరు బ్లాక్ బట్టిగూడెం గ్రామానికి చెందిన పొజ్జి ( 28) ఈనెల 2న కాన్పు కోసం ఏరియా దవాఖానలో జాయిన్అయ్యింది. బుధవారం నొప్పులు రావడంతో మిడ్వైఫ్ విభాగంలో సాధారణ ప్రసవం చేశారు.
ఇద్దరు మగ, ఒక ఆడ శిశువు పుట్టారు. ముగ్గురూ ఆరోగ్యంగానే ఉన్నారని పిల్లల డాక్టర్రాజశేఖర్, సూపరింటెండెంట్ డా.రామకృష్ణ తెలియజేశారు. కాగా, పొజ్జికి గత ఏడు కాన్పుల్లో నలుగురు అమ్మాయిలు, ముగ్గురు అబ్బాయిలు పుట్టారు. అవన్నీ కూడా సాధారణ ప్రసవాలే.
