ట్రాఫిక్ నిబంధనల్ని ఎందుకు ఉల్లంఘించారని ప్రశ్నించినందుకు ఓ మహిళ డ్యూటీలో ఉన్న ట్రాఫిక్ పోలీస్ పై దాడి చేసింది. ప్రస్తుతం ఆ ఇన్సిడెంట్ సోషల్ మీడియాలో వైరల్ గా మారింది.
దక్షిణ ముంబైలోని కల్బదేవి ప్రాంతంలో ఓ మహిళకు , ట్రాఫిక్ పోలీసుల మధ్య వాగ్వాదం జరిగింది. డ్రైవింగ్ చేసే సమయంలో మహిళ హెల్మెట్ ధరించకపోవడంతో ఆమె వెహికల్ ను ఆపాడు ఓ ట్రాఫిక్ పోలీస్ . అదే సమయంలో పోలీస్ సదరు మహిళను బూతులు తిట్టాడు. దీంతో ఆగ్రహం వ్యక్తం చేసిన బాధితురాలు అతనిపై దాడి చేసింది. ఆమె దాడి చేసే సమయంలో స్థానికులు వీడియో తీయడంతో ఈ ఘటన వెలుగులోకి వచ్చింది. కొద్ది సేపటికి అక్కడే ఉన్న మహిళా పోలీస్ జోక్యం చేసుకోవడంతో పరిస్థితి అదుపులోకి వచ్చింది. కేసు నమోదు చేసుకున్న పోలీసులు దర్యాప్తు ప్రారంభించారు.
