వాషింగ్టన్: వెనిజులాపై మిలిటరీ ఆపరేషన్ చేపట్టి ఆ దేశ అధ్యక్షుడిని అరెస్ట్ చేసిన అమెరికా మరో దేశంపై కన్నేసింది. తాజాగా లాటిన్ అమెరికా దేశం క్యూబాకు డొనాల్డ్ ట్రంప్ బహిరంగా హెచ్చరికలు జారీ చేశాడు. ఆలస్యం చేయకుండా వీలైనంత త్వరగా మాతో ఒప్పందం చేసుకోవాలని బెదిరించాడు. ఈ మేరకు తన సోషల్ మీడియా ఫ్లాట్ఫామ్ ట్రూత్ వేదికగా పోస్ట్ పెట్టాడు.
‘‘క్యూబా చాలా సంవత్సరాలుగా వెనిజులా డబ్బు, చమురుతో బతికింది. ప్రతిఫలంగా వెనిజులాకు భద్రతా సేవలు అందించింది. కానీ ఇకపై అలా కుదరదు. ఇప్పటి నుంచి వెనిజులా నుంచి క్యూబాకు ఆయిల్, డబ్బు వెళ్లదు. ఈ విషయంలో ఆలస్యం చేయకుండా వీలైనంత త్వరగా అమెరికాతో క్యూబా ఒప్పందం కుదుర్చుకోవాలి’’ అని ట్రంప్ పేర్కొన్నాడు. ప్రపంచంలోనే అత్యంత శక్తివంతమైన అమెరికా సైన్యం ఇప్పుడు వెనిజులాకు రక్షణగా ఉందని.. ఇకపై క్యూబా అవసరం లేదన్నాడు.
►ALSO READ | చావు దెబ్బ తిన్న బుద్ధి రాలే..! ఇండియా నన్ను చూసి బయపడుతుందంటూ పహల్గామ్ మాస్టర్ మైండ్ బలుపు కూతలు
కాగా, ఇటీవల వెనిజులాపై అమెరికా దాడి చేసిన విషయం తెలిసిందే. నార్కో టెర్రరిజాన్ని బూచిగా చూపిస్తూ వెనిజులాపై వైమానిక దాడులు చేసి ఆ దేశ అధ్యక్షుడు నికోలస్ మదురోను అమెరికన్ దళాలు ఎత్తుకెళ్లాయి. ఇక వెనిజులాను తామే పాలిస్తామని ట్రంప్ సంచలన ప్రకటన చేశాడు. వెనిజులా క్రూడ్ ఆయిల్ నిల్వలను యూఎస్ హ్యాండోవర్ చేసుకుంది. దీంతో వెనిజులా ముడి చమురుపై ఆధారపడ్డ దేశాలకు ఇబ్బందులు ఎదురవుతున్నాయి.
