- జిల్లెలగూడ దత్తునగర్లో ఘటన
- అపార్ట్మెంట్లోని అసిస్టెంట్ప్రొఫెసరే నిందితుడు
- స్టాక్మార్కెట్లో నష్టపోయి..నగల కోసం దారుణం
మీర్పేట్ వెలుగు: మీర్పేట్పోలీస్ స్టేషన్ పరిధిలో నోట్లో గుడ్డలు కుక్కి కట్టేసి తలపై ఐరన్బాక్స్తో కొట్టి ఓ మహిళను దారుణంగా చంపేశారు. ఆమె మెడలోని బంగారు గొలుసు, చేతి గాజులను ఎత్తుకెళ్లారు. ఈ కేసులో ఆ అపార్ట్మెంట్లో ఉండే అసిస్టెంట్ప్రొఫెసరే నిందితుడని తేలింది. జిల్లెలగూడ దత్తునగర్లోని శ్రీలక్ష్మి అపార్ట్మెంట్లో కొంత కాలంగా మిథాని ఉద్యోగి రాహుల్, తన భార్య అనిత(33), పిల్లలతో కలిసి ఉంటున్నాడు.
బుధవారం అతడు ఉద్యోగానికి వెళ్లిపోగా, పిల్లలు స్కూల్కు వెళ్లారు. దీంతో అనిత ఇంట్లో ఒంటరిగా ఉంది. సాయంత్రం పిల్లలు స్కూల్నుంచి వచ్చి చూసే సరికి తల్లి రక్తపు మడుగులో పడి కనిపించింది. దీంతో తండ్రికి, పోలీసులకు కాల్చేసి దవాఖానకు తరలించగా, అప్పటికే చనిపోయిందని నిర్ధారించారు. తలపై బలంగా కొట్టడంతో అనిత మరణించిందని తేలింది. అనిత ఒంటిపై ఉన్న బంగారు గొలును, రెండు గాజులు మాయమయ్యాయి. డోర్బలవంతంగా ఓపెన్చేసినట్టు కనిపించకపోవడంతో తెలిసిన వారే ఈ పని చేసి ఉంటారని అనుమానించారు.
అసిస్టెంట్ ప్రొఫెసరే చంపాడు..
మీర్పేట్పోలీసులు దర్యాప్తులో ఆ అపార్ట్మెంట్లో ఉండే అసిస్టెంట్ప్రొఫెసర్గద్దె రాజ్ కుమారే నిందితుడని తేలింది. ప్రైవేట్ కాలేజీలో పని చేస్తున్న అతడు స్టాక్ మార్కెట్‌‌‌‌‌‌‌‌లో పెట్టుబడులు పెట్టి రూ.నాలుగు కోట్ల మేర నష్టపోయాడు. బయట డబ్బులు కూడా దొరక్కపోవడంతో ఫ్లాట్లో ఒంటరిగా ఉండే అనిత కనిపించింది. ఆమె మెడలో బంగారం చూడడంతో కొట్టేస్తే కొంత ఖర్చులైనా తీరతాయని భావించాడు.
దీంతో బుధవారం ఇంట్లో అందరూ వెళ్లిపోయాక ఆమె ఇంట్లో చొరబడి ఆమె అరవకుండా నోట్లో గుడ్డలు కుక్కాడు. తర్వాత కట్టేసి తలపై ఐరన్బాక్స్తో మోది చంపాడు. తర్వాత బంగారు గొలుసు, గాజులు తీసుకుని పరారయ్యాడు. సీసీ ఫుటేజీ, ఇతర టెక్నికల్ఎవిడెన్స్ఆధారంగా అతడిని పట్టుకున్నామని ఆదిభట్ల ఏసీపీ ప్రదీప్ కుమార్ రెడ్డి మీర్పేట్ పీఎస్లో వెల్లడించారు.
