శిల్పకళకు కళా వైభవానికి నిలువెత్తు నిదర్శనం కాకతీయులు నిర్మించిన రామప్ప కేత్రం. చారిత్రక, అలనాటి వైభవాన్ని కళాత్మక శిల్పాలతో మన సంస్కృతి సాంప్రదాయలను కళ్లకు కట్టినట్లు నిర్మించారు. ఈ అద్భుత కట్టడానికి యునెస్కో గౌరవం దక్కింది. ఇందులో భాగంగా ఇవాళ యునోస్కో గుర్తింపు పొందిన రామప్పలో శిల్పం, వర్ణం, కృష్ణం పేరుతో ప్రపంచ వారసత్వ దినోత్సవ వేడుకలు జరపనున్నారు. ఈ ఉత్సవాలకు సినీ ప్రముఖులు, మంత్రులు ఎర్రబెల్లి దయాకర్ రావు, శ్రీనివాస్ గౌడ్, సత్యవతి రాథోడ్, ఎమ్మేల్యే సీతక్క, మ్యూజిక్ డైరెక్టర్ తమన్, శివమణి ఆధ్వర్యంలో మ్యూజికల్ ప్రోగ్రాంను నిర్వహించనున్నారు.
ఏమేం కార్యక్రమాలు జరుగుతాయంటే
ఉదయం 9 నుంచి సాయంత్రం 5 గంటల వరకు రామప్ప ఆలయం పడమర దారి ఆర్‌అండ్‌బీ డబుల్‌రోడ్డుపై ఫుడ్‌ ఫెస్టివల్‌ చేపట్టనున్నారు. సాయంత్రం 5:30 నుంచి 6 వరకు అరబీవాయిలీన్‌ వాయిద్య కళాకారుడు గురూజీ అశోక్‌గుజ్జల్‌ ప్రదర్శన ఉంటుంది. 6:15-నిమిషాల నుంచి 6:25 వరకు ప్రేరణి రాజ్‌కుమార్‌ బృందం నృత్య ప్రదర్శన చేస్తారు. 6:25 నుంచి -6:35 వరకు రామప్ప వారసత్వంపై వీడియో ప్రదర్శన జరుగుతుంది. 6:35 నుంచి -6:50 వరకు రావణ ప్రదర్శన ఉంటుంది. 6:55 నుంచి రాత్రి 7:20 దేశ సంస్కృతి, సంప్రదాయ గిరిజన నృత్యం ప్రదర్శస్తారు. 7:20 నుంచి-7:30 వరకు బలగం చిత్ర బృందాన్ని సన్మానిస్తారు. 7:30 నుంచి-7:45 వరకు విద్యాజ్యోతి రచించిన రామప్ప ఆలయం పుస్తకాన్ని ఆవిష్కరిస్తారు. 7:45 నుంచి -7:50 వరకు రామప్ప చరిత్రపై లేజర్‌ షో ఉంటుంది. 8:00 నుంచి- 8:15 వరకు కళాకారులు, అతిథులు, దాతలను సన్మానిస్తారు. 8:15 నుంచి- 9:45 వరకు ఎస్‌ఎస్‌ తమన్, శివమణి, కార్తీక్‌, ప్లూట్‌ నవీన్‌ ఆధ్వర్యంలో మ్యూజికల్ ప్రోగ్రాం జరగనుంది. 9:45 నుంచి -9:50 వరకు ముగింపు కార్యక్రమం ఉంటుంది.
