వీడియోలు ఆలా ఉంటేనే డబ్బులు సంపాదించొచ్చు.. యూట్యూబర్స్కు కొత్త రూల్స్..

వీడియోలు ఆలా ఉంటేనే డబ్బులు సంపాదించొచ్చు.. యూట్యూబర్స్కు కొత్త రూల్స్..

యూట్యూబ్​.. ప్రపంచంలోనే అతిపెద్ద సోషల్ మీడియా ప్లాట్​ఫాం. ఎక్కువమంది వాడుతోన్న ఈ యాప్​ కేవలం ప్రపంచంలోని విషయాలను తెలుసుకోవడానికి, ఎంటర్​టైన్​మెంట్​ ఇవ్వడానికి మాత్రమే కాకుండా సంపాదనకు ఒక కొత్త మార్గం చూపించింది. ఎంతోమంది యూట్యూబర్స్ కంటెంట్​ క్రియేట్​ చేసి పాపులారిటీతోపాటు డబ్బులు సంపాదిస్తున్నారు. కానీ, యూట్యూబ్ ద్వారా డబ్బులు సంపాదించడానికి కొన్ని రూల్స్ ఉన్నాయి. వాటిని పాటిస్తేనే ఇన్​ఫ్లుయెన్సర్లకు ఆదాయం వస్తుందన్న విషయం తెలిసిందే. అయితే ఇప్పుడు కొత్తగా మరికొన్ని రూల్స్ పెట్టనుంది యూట్యూబ్​ ప్లాట్​ఫాం. అవేంటంటే.. ఒరిజినల్ వీడియోలకు ప్రియారిటీ ఇస్తుంది. వీడియోను కొత్తగా క్రియేట్ చేయాల్సి ఉంటుంది. 

కాపీ చేసిన కంటెంట్​ ఎడిట్ చేసి పోస్ట్ చేయాలనుకుంటే అనుమతి ఇవ్వదు. ఒకే వీడియోను ఎక్కువసార్లు అప్​లోడ్ చేయలేరు. టెంప్లెట్, రోబోటిక్ వాయిస్​లతో చేసిన వీడియోలకు అనుమతి లేదు. తప్పుడు సమాచారం, ఎంటర్​టైన్​మెంట్ లేని వీడియోలు అనుమతించదు. ఫేస్ చూపించకుండా స్పామ్ కంటెంట్​ చేస్తోన్న చానెల్స్​కు అనుమతి ఉండదు. ఇకపోతే ఏఐ జనరేటెడ్ వీడియోలు చేయొచ్చు. కానీ ఏఏ ఎఫెక్ట్స్ వాడొచ్చు? ఎప్పుడు ఎఫెక్ట్ పడదు అనేది ఇంకా క్లారిటీ లేదు. మొత్తానికి ఈ రూల్స్ మాత్రం ఈ నెలలో అమలు అయ్యే అవకాశం ఉంది.  ఎల్లుండి (జులై 15) నుంచి కొత్త కంటెంట్​కు ప్రాధాన్యత ఇవ్వనుంది. కొత్త విషయం చెప్పే వీడియోలు, ఎడ్యుకేషన్, క్రియేటివిటీ, ఎంటర్​టైన్​మెంట్ వంటి అంశాలను మాత్రమే అనుమతిస్తుంది. కంటెంట్ స్పెషల్​గా, ఉపయోగకరంగా ఉంటేనే యూట్యూబ్ నుంచి డబ్బులు సంపాదించొచ్చు. 

గూగుల్ ఏఐ మోడ్: ఇప్పటికే ఆర్టిఫిషియల్ ఇంటెలిజెన్స్ అన్ని రంగాల్లో దూసుకెళ్తోంది. ఈ క్రమంలో గూగుల్ మరో సరికొత్త టూల్ పరిచయం చేసింది. అది కూడా మనకోసం.. అవును! భారతీయ యూజర్ల కోసం గూగుల్ కొత్త ఏఐ మోడ్ టూల్​ తీసుకొచ్చింది. ఈ ఏఐ మోడ్​ ఇన్ సెర్చ్​ను గూగుల్ సెర్చ్​ ఇంజిన్​లో కలిపేసింది. యూజర్లు అడిగిన ప్రశ్నలకు సెర్చ్ రిజల్ట్స్ డీటెయిల్డ్ ఆన్సర్స్​ ఇస్తుంది. ఈ టూల్​ని ఈ ఏడాది మొదట్లో అమెరికాలో లాంచ్ చేసింది గూగుల్. తర్వాత పోయిన నెలలో సెర్చ్ ల్యాబ్స్ ద్వారా భారత్​లో కూడా అందుబాటులోకి తెచ్చింది. ప్రస్తుతం ఈ ఇంగ్లిష్ వెర్షన్​లో మాత్రమే ఉంది. ఇది ఎలా పనిచేస్తుందంటే.. ప్రశ్న ఎలా అడిగినా, కంటెంట్​ని లోతుగా విశ్లేషించి వివరణాత్మకమైన సమాధానాలు ఇస్తుంది. 

గూగుల్ జెమిని 2.5 మోడల్ వెర్షన్ ద్వారా ఇది పనిచేస్తుంది. అడిగిన ప్రశ్నకు వెబ్ మొత్తం సమాచారాన్ని సేకరిస్తూనే ఉప–ప్రశ్నలుగా డివైడ్​ చేస్తుంది. తర్వాత సమాధానం ఇస్తుంది. అవసరమైన లింక్​లు, ఇతర ప్రశ్నలతో మరింత సెర్చ్ చేసేందుకు ఆప్షన్లను అందిస్తుంది. దీన్ని వాడేందుకు టెక్స్ట్‌‌‌‌‌‌‌‌ టైపింగ్ లేదా వాయిస్ ఇన్​పుట్ ఇవ్వొచ్చు. గూగుల్ లెన్స్ ద్వారా ఫొటోలను అప్​లోడ్ చేయొచ్చు. నార్మల్ సెర్చ్ రిజల్ట్స్ కంటే ఎక్కువే కంటెంట్ ఇస్తుంది. ఈ ఫీచర్ ‘క్వెరీ ఫ్యాన్ అవుట్’ అనే టెక్నిక్​ ఆధారంగా పనిచేస్తుంది. గూగుల్ సిస్టమ్​ ఒక ప్రశ్నను డివైడ్ చేస్తుంది. తద్వారా మల్టీ సెర్చ్ చేయొచ్చు.