గండిపేట, వెలుగు : పెళ్లి చేసుకుంటానని నమ్మించి యువతిని మోసం చేసిన యూట్యూబర్ను నార్సింగి పోలీసులు అరెస్టు చేశారు. పోలీసులు తెలిపిన ప్రకారం.. చందుగాడు(పక్కింటి కుర్రాడు) పేరుతో ఫేమస్ అయిన యూట్యూబర్ చంద్రశేఖర్ సాయికిరణ్ ఓ యువతిని పెళ్లి చేసుకుంటానని నమ్మించాడు.
2021 ఏప్రిల్ 25న తన బర్త్ డే రోజున తనను ఇంటికి పిలిచి చంద్రశేఖర్ లైంగిక దాడికి పాల్పడ్డాడని..పెళ్లి చేసుకోకుండా దాట వేస్తూ వస్తున్నాడని బాధిత యువతి నార్సింగి పోలీసులకు ఫిర్యాదు చేసింది. కేసు ఫైల్ చేసి దర్యాప్తు చేపట్టిన పోలీసులు చంద్రశేఖర్పై అత్యాచారం, మోసం కింద 420, 376(2) సెక్షన్లతో పాటు అట్రాసిటీ కేసు నమోదు చేశారు. అతని తల్లిదండ్రులు, మరో ఇద్దరిపైనా కేసు ఫైల్ చేశారు. చంద్రశేఖర్ను శుక్రవారం అరెస్టు చేసి రిమాండ్కు తరలించారు.