- మూడు కేసుల్లో 20 మంది అరెస్ట్
- ఎస్పీ అఖిల్ మహాజన్
ఆదిలాబాద్ టౌన్, వెలుగు: వినాయక మండపాల వద్ద పేకాట ఆడినా, అసాంఘిక కార్యకలాపాలకు పాల్పడినా కఠిన చర్యలు తప్పవని ఆదిలాబాద్ఎస్పీ అఖిల్ మహాజన్ హెచ్చరించారు. బుధవారం పట్టణంలో ఆయన విలేకరులతో మాట్లాడారు. రెండు చోట్ల వినియక మండపాల వద్ద, స్విస్తిక్ జిన్నింగ్ మిల్వద్ద పేకాట ఆడిన 20 మందిని అరెస్ట్ చేసినట్లు చెప్పారు. రెండు రోజుల్లో వన్ టౌన్, టూ టౌన్, మావల పోలీస్ స్టేషన్ల పరిధిలో ఈ కేసులు నమోదు చేశామన్నారు. వారి వద్ద నుంచి 13 సెల్ ఫోన్లు, ఒక కారు, ఐదు బైకులు, రూ.82,120 నగదును స్వాధీనం చేసుకున్నట్లు తెలిపారు. నిబంధనలు ఉల్లంఘించిన వినాయక మండపాల కమిటీ సభ్యులపై కేసుల నమోదు చేస్తామని హెచ్చరించారు.
