- ఒకదాన్ని కొరకడంతో పేలుడు ధాటికి కుక్క మృతి
- భద్రాచలం రోడ్ రైల్వే స్టేషన్లో ఘటన
భద్రాద్రి కొత్తగూడెం, వెలుగు: భద్రాద్రి కొత్తగూడెం జిల్లా కేంద్రంలోని భద్రాచలం రోడ్ రైల్వే స్టేషన్లో నాటు బాంబులు కలకలం సృష్టించాయి. రైల్వే ట్రాక్పై పడి ఉన్న అండర్ వేర్లో 6 నాటు బాంబులు గుర్తించారు. అటుగా వెళ్తున్న కుక్క.. వాటిలో ఒకదాన్ని కొరికింది. దీంతో ఒక్కసారిగా పేలుడు సంభవించడంతో కుక్క చనిపోయింది. ఈ శబ్ధం విన్న రైల్వే స్టేషన్లోని సిబ్బంది అక్కడికి చేరుకుని పరిశీలించారు.
అనంతరం కొత్తగూడెం త్రీటౌన్ పోలీసులకు సమాచారం ఇచ్చారు. సీఐ శివప్రసాద్ స్పాట్కు చేరుకుని విచారణ చేపట్టారు. బాంబు స్క్వాడ్ బృందం తనిఖీలు నిర్వహించింది. పేలుడు సంభవించిన ట్రాక్ పైనుంచి రోజూ గూడ్స్ తో పాటు ప్యాసింజర్ రైళ్లు వెళ్తుంటాయి. ట్రాక్పై నాటు బాంబులు ఎవరువదిలి వెళ్లారనే దానిపై విచారణ చేపట్టారు. అడవుల్లో వేటకు, చేపల చెరువుల్లోనూ ఈ బాంబులను వినియోగిస్తుంటారని పలువురు పేర్కొంటున్నారు. ఈ ఘటన వెనుక కుట్ర దాగుందా అనే కోణంలోనూ పోలీసులు దర్యాప్తు చేపట్టారు.
