ఏఎన్ఎంల గౌరవ వేతనం పెంపు.. స్టూడెంట్ల స్కాలర్షిప్ డబుల్.. ఎన్నికల వేళ బిహార్ ప్రభుత్వ నిర్ణయం

• 129 ప్రతిపాదనలకు కేబినెట్ ఆమోదం

పాట్నా: అసెంబ్లీ ఎన్నికల ముందు బిహార్ లోని నితీశ్ కుమార్​ప్రభుత్వం ఏఎన్​ఎంల గౌరవ వేతనాన్ని పెంచింది. అలాగే, విద్యార్థుల స్కాలర్‌‌‌‌షిప్‌‌‌‌ను డబుల్ చేసింది. పట్టణ ప్రాంతాల్లో కాంట్రాక్టు పద్ధతిలో పనిచేస్తున్న ఏఎన్​ఎంల గౌరవ వేతనాన్ని రూ.11,500 నుంచి రూ.15 వేలకు పెంచింది. అలాగే, 9, 10 తరగతుల విద్యార్థులకు వార్షిక స్కాలర్‌‌‌‌షిప్‌‌‌‌ను రూ.3,600 కు పెంచినట్టు అడిషనల్​సీఎస్ అరవింద్ కుమార్ చౌదరి తెలిపారు. 

సీఎం నితీశ్ కుమార్ అధ్యక్షతన శుక్రవారం జరిగిన మంత్రివర్గ సమావేశం.. ఫిల్మ్ అండ్ థియేటర్ ఇన్‌‌‌‌స్టిట్యూట్ ఏర్పాటు సహా మొత్తం 129 ప్రతిపాదనలను ఆమోదించింది. ముఖ్యమంత్రి బాలక్/బాలికా స్కాలర్‌‌‌‌షిప్ పథకం కింద జనరల్ కేటగిరీకి చెందిన 9, 10 తరగతుల విద్యార్థులకు (మైనారిటీలతో సహా) వార్షిక స్కాలర్‌‌‌‌షిప్‌‌‌‌ను పెంచడానికి మంత్రివర్గం ఆమోదం తెలిపింది. 

ఈ మొత్తాన్ని ఒక్కో విద్యార్థికి రూ.1,800 నుంచి రూ.3,600కు పెంచారు. దీనివల్ల ప్రభుత్వ ఖజానాపై దాదాపు రూ.99.21 కోట్ల అదనపు భారం పడుతుందని ఏసీఎస్​ చెప్పారు. పర్యాటక రంగాన్ని ప్రోత్సహించడానికి పాట్నాలోని బంకిపూర్ బస్టాండ్ వద్ద 3.24 ఎకరాల భూమిలో నిర్మించనున్న ఫైవ్​స్టార్​ హోటల్‌‌‌‌కు ఆమోదం లభించిందని ఆయన తెలిపారు. మహిళల భద్రత, పునరావాసం కోసం ముఖ్యమంత్రి నారీ శక్తి యోజన కింద ఉన్న షార్ట్-స్టే హోమ్‌‌‌‌లను శక్తి సదన్ కేంద్రాలుగా మార్చాలని మంత్రివర్గం నిర్ణయించిందన్నారు. 

పెన్షనర్ల యాన్యువల్​లైఫ్​సర్టిఫికెట్​కోసం కామన్ సర్వీస్ సెంటర్ ఈ -గవర్నెన్స్ సర్వీసెస్ ఇండియా లిమిటెడ్‌‌‌‌ను కేబినెట్ ఎంపిక చేసిందని ఏసీఎస్ మీడియాకు తెలిపారు. ఇప్పటికే శుక్రవారం బిహార్ ప్రభుత్వం.. ఉద్యోగులు డీఏ, పెన్షనర్లకు డీఆర్​3 శాతం ప్రకటించింది. దీపావళి, ఛత్‌‌‌‌కు ముందు దీనిని 55 శాతం నుంచి 58 శాతానికి పెంచింది.