మహారాష్ట్రలోని ఔరంగాబాద్ జిల్లా దావర్ వాడీ కి చెందిన రైతు ధ్యానేశ్వర్ జనార్ధన్ ఔటే... కొంతకాలం క్రితం తన బ్యాంకు బ్యాలెన్స్ చెక్ చేసుకున్నాడు. అందులో 15 లక్షలు ఉండటంతో... ప్రధాని మోడీ పంపారని... ఇల్లు కట్టుకున్నాడు.... మరో 6 లక్షలు ఏం చేయాలా అని ఆలోచనలో పడిపోయాడు. ప్రధాని జన్ ధన్ ఖాతాలో 15 లక్షలు జమ అవ్వడంతో.... ఆ డబ్బంతా ప్రధాని మోడీనే తన అకౌంట్ లో వేశాడని సంతోష పడిపోయాడు. అందుకు థ్యాంక్స్ చెప్తూ ప్రధాని కార్యాలయానికి మెయిల్ కూడా పంపాడు. 9 లక్షలతో చిన్న ఇల్లు కట్టుకున్నాడు. మిగితా డబ్బు ఏం చేద్దామా అనుకునే లోపే... డబ్బు వేరేవారిదని గ్రామ పంచాయతీ నుంచి లేఖ అందింది. ఆ డబ్బు తమదని...... జిల్లా పరిషత్ నుంచి పింపల్ వాడీ గ్రామపంచాయతీకి రావాల్సిన నిధులు పొరపాటున మీ అకౌంట్ లో పడ్డాయని లెటర్ వచ్చింది. ఆ డబ్బును వెంటనే తిరిగి చెల్లించాలని లెటర్ లో తెలిపారు. దీంతో అతని దగ్గరున్న 6 లక్షలు కట్టాడు. మిగితా 9 లక్షలు ఎలా కట్టాలా అని తలపట్టుకున్నాడు ధ్యానేశ్వర్.
