- కాంగ్రెస్ ఆర్మూర్ నియోజకవర్గ ఇన్చార్జి వినయ్ రెడ్డి
ఆర్మూర్, వెలుగు : భూభారతి చట్టం ద్వారా సమస్యలు పరిష్కారమై రైతులకు మేలు జరుగుతుందని కాంగ్రెస్ఆర్మూర్ నియోజకవర్గ ఇన్చార్జి ప్రొద్దుటూరి వినయ్ కుమార్ రెడ్డి అన్నారు. శుక్రవారం మండలంలోని సుర్భిర్యాల్ గ్రామంలో జరిగిన రెవెన్యూ సదస్సులో పాల్గొని మాట్లాడారు. సదస్సుకు వచ్చిన అప్లికేషన్స్ పరిశీలించి, త్వరగా పరిష్కరించాలని డిప్యూటీ తహసీల్దార్ సుజాతను కోరారు. అనంతరం ఆర్మూర్ మున్సిపల్ పరిధిలోని పెర్కిట్లో ఇందిరమ్మ ఇండ్ల మంజూరు పత్రాలను అందజేశారు. కార్యక్రమంలో ఆర్మూర్ మార్కెట్ కమిటీ చైర్మన్ సాయి బాబా గౌడ్, పండిత్ పవన్ పాల్గొన్నారు.
తాడ్వాయి మండలంలో..
తాడ్వాయి, వెలుగు : రెవెన్యూ సదస్సులను రైతులు సద్వినియోగం చేసుకోవాలని తహసీల్దార్ శ్వేత అన్నారు. శుక్రవారం మండలంలోని దేమికలన్, సంగోజి వాడి గ్రామాల్లోని రెవెన్యూ సదస్సుల్లో ఆమె మాట్లాడారు. ఎలాంటి భూ సమస్యలు ఉన్నా దరఖాస్తు చేసుకోవాలన్నారు.
