- రేవంత్రెడ్డిని కలిసిన సీపీఐ నేతలు
హైదరాబాద్, వెలుగు: సీఎం రేవంత్ రెడ్డిని జూబ్లీహిల్స్ లోని ఆయన నివాసంలో సీపీఐ నేతలు కలిశారు. ఈ భేటీలో ఎమ్మెల్యే కూనంనేని సాంబశివరావు, ఎమ్మెల్సీ నెల్లికంటి సత్యం, మాజీ ఎమ్మెల్యే పల్లా వెంకట్ రెడ్డితో పాటు పలువురు సీపీఐ నేతలు పాల్గొన్నారు. ప్రజా సమస్యలు, పలు అభివృద్ధి పనులకు సంబంధించిన అంశాలపై సీఎంతో చర్చించారు.
ముఖ్యంగా, గ్రామ పంచాయతీ కార్మికులు, అంగన్ వాడీ, ఆర్టీసీ ఉద్యోగులకు సంబంధించిన సమస్యలతో పాటు అనేక ఇతర ప్రజా సమస్యలను సీఎం దృష్టికి తీసుకెళ్లారు. ఈ సందర్భంగా ప్రజల సమస్యల పరిష్కారానికి ప్రజా ప్రభుత్వం ఎప్పుడూ ముందుంటుందని సీఎం రేవంత్ రెడ్డి స్పష్టం చేశారు. ప్రజా సంక్షేమం పట్ల తమ ప్రభుత్వ నిబద్ధతను ఆయన పునరుద్ఘాటించారు.
