ఎన్ని డ్రెస్సులున్నా.. ఒక్కోసారి ఏమీ లేవు.. ఏం వేసుకోవాలి అనుకుంటారు. దానివల్ల అవసరానికి మించి షాపింగ్ చేస్తుంటారు. అయితే ఈసారి డ్రెస్సుల్ని కొనేముందు.. మీ వార్డ్ రోబ్ ను సర్దుకోండి. అప్పుడు కొత్త డ్రెస్సులు కొనాలా.. వద్దా అని డిసైడ్ చేసుకోవచ్చు.. ఎప్పుడు ఏ డ్రెస్ వేసుకోవాలో ఆలోచించే పనే ఉండదు.. మరి బీరువాలో డ్రస్ లు ఎలా సర్దుకోవాలో ఈ స్టోరీలో తెలుసుకుందాం. . !
- వార్డ్ రోబ్లో ఎన్ని డ్రెస్సులున్నా.. ఏం వేసుకోవాలో అర్థం కాకపోతే అన్నింటినీ ఒక్కసారి పక్కకు తీసి రంగుల వారీగా, విడి విడిగా పెట్టుకుని చూడండి.
- కొన్ని డ్రెస్సులు ఎప్పుడో గానీ వేసుకోం. కానీ వాటిని పడేయాలంటే మనసొప్పదు. అలాంటివి ఏమైనా ఉంటే చూసుకోండి. మరీ ఎక్కువ రోజుల నుంచి మీరు వాటిని వేసుకోకపోతే వాటిని వెంటనే తీసేయడం మంచిది.
- అన్ని రకాల దుస్తులు ఒకేచోట పెట్టుకుంటే గందరగోళంగా ఉంటుంది. ఆఫీసులకు. ఫంక్షన్సుకు, డైలీ వేసుకోడానికి... ఇలా సపరేట్ వరుసల్లో సర్దుకోండి. ఎప్పుడైనా షాపింగ్ కు వెళ్లేటప్పుడు ఏ రకం డ్రెస్సులు ఎక్కువగా ఉన్నాయో తెలుస్తుంది. అప్పుడు మీరు ఎరకం కొనాలో ఈజీగా తెలిసిపోతుంది.
- మనకు తెలియకుండానే కొన్ని కలర్స్ దుస్తుల్ని ఎక్కువగా కొనేస్తాం. అయితే
- నీట్ గా పెట్టుకోవడం వల్ల ఒక క్లారిటీ వస్తుంది.
- కొత్త టాప్స్ కొన్నపుడల్లా.. వాటి కోసం చున్నీలు, లెగ్గింగ్స్ తీసుకుంటాం. అయితే ఈసారి మీ దగ్గర ఇంతకుముందు కొన్న చున్నీలూ, లెగ్గింగ్లన్నింటినీ ఒక దగ్గర
- విడిగా సర్దిచూడండి. అపుడు కొత్తగా కొన్నవాటికి ఏమైనా సరిపోతాయేమో తెలుసుకోవచ్చు. ఖర్చులు తగ్గుతాయి.
- అల్మారలో కొన్ని హ్యాంగర్లకే ప్లేసు సరిపోతుంది. అలాంటప్పుడు హ్యాంగర్లకు లింక్స్ దొరుకుతాయి. వాటిని తగిలించుకుంటే ఒకదానికే రెండు జతల దుస్తుల్ని వేలాడదీయొచ్చు.
- కొన్ని డ్రెస్సులు ప్రత్యేక సందర్భాలకు మాత్రమే బాగుంటాయి. అలాంటివాటిని రోజూ వేసుకునే వాటితో కలపకుండా విడిగా పెట్టుకోండి. అవసరమైనప్పుడు వెంటనే తీసుకుని వేసుకునేలా ఉంటాయి.
- ఒకసారి వేసుకున్న డ్రెస్సుల్ని వెంటనే ఉతకకండి. వాటిని కాసేపు గాలికి ఆరనిచ్చి మడతపెట్టేస్తే అవి తొందరగా కొత్తదనాన్ని కోల్పోకుండా ఉంటాయి. ఎక్కువరోజులు వస్తాయి.
- వారానికోసారి ల్యాండ్రీ చేయించిన డ్రెస్సులను ప్రణాళిక ప్రకారం అల్మారాలో పెట్టుకోండి. మడతలు ఒకసారి పోతే మళ్లీ పెట్టడం కుదరని పని. కాబట్టి ఓ గంట కేటాయిస్తే ఏ టెన్షన్ ఉండదు.
- మార్నింగ్ ఆఫీస్ కు ఏం డ్రెస్సు వేసుకోవాలో.. ముందురోజు రాత్రే తీసిపెట్టుకోవడం బెటర్. ఇలా చేయడం వల్ల ఉదయాన్నే టైం వేస్ట్ కాకుండా ఉంటుంది. . .
