కూతురు వచ్చేలోపే తండ్రి సూసైడ్​

కూతురు వచ్చేలోపే తండ్రి సూసైడ్​

పర్వతగిరి, వెలుగు: ఇంట్లో నుంచి వెళ్లిపోయిన కూతురు తిరిగి రాగా.. అంతలోనే తండ్రి ఆత్మహత్య చేసుకున్నాడు. పోలీసుల వివరాల ప్రకారం.. వరంగల్​రూరల్​జిల్లా పర్వతగిరి మండలం చౌటపెల్లికి చెందిన మంత్రి నాగరాజుకు తొమ్మిదో తరగతి చదువుతున్న కూతురు, కొడుకు ఉన్నారు. కాగా ఏపీలోని తిరుపతికి చెందిన పైడి రాజశేఖర్​ప్రేమ పేరుతో బాలికను ట్రాప్​చేశాడు. అతని మాటలు విన్న బాలిక ఈ నెల 7వ తేదీన ఇంట్లో నుంచి వెళ్లిపోయింది. ఎంత వెతికినా ఆచూకీ దొరక్కపోవడంతో 8వ తేదీన నాగరాజు పర్వతగిరి పోలీసులకు కంప్లైంట్​చేశాడు. అప్పటి నుంచి మనస్తాపం చెందిన నాగరాజు 16న పురుగుల మందు తాగి సూసైడ్​ చేసుకున్నాడు. ఫేస్ బుక్ ఆధారంగా దర్యాప్తు చేసిన పోలీసులు బాలిక తిరుపతిలోని రాజశేఖర్​వద్ద ఉన్నట్లు గుర్తించారు. నిందితుడిని అరెస్టు చేసి బుధవారం పర్వతగిరి తీసుకొచ్చారు. బాలికను చైల్డ్​హోంకు తరలించినట్లు మామునూర్​ ఏసీపీ నరేశ్​కుమార్ ​తెలిపారు.