అభ్యర్థుల లెక్క తేలింది.. ఉమ్మడి మెదక్ జిల్లా వ్యాప్తంగా సర్పంచ్ స్థానాలు ఏకగ్రీవం

మెదక్/సిద్దిపేట/సంగారెడ్డి, వెలుగు: మొదటి విడత గ్రామ పంచాయతీ ఎన్నికల నామినేషన్ల ప్రక్రియ ముగిసింది. నామినేషన్ల ఉప సంహరణల అనంతరం ఏకగ్రీవాల,  సర్పంచ్, వార్డు  మెంబర్​ స్థానాలకు బరిలో మిగిలిన అభ్యర్థుల లెక్క తేలింది. ఉమ్మడి మెదక్ జిల్లా వ్యాప్తంగా పలు చోట్ల సర్పంచ్ స్థానాలు ఏకగ్రీవమయ్యాయి. 

మెదక్ జిల్లాలో..

మెదటి విడతలో మెదక్ జిల్లాలో 6  మండలాల్లోని 160 గ్రామ పంచాయతీలకు ఎన్నికలు జరుగుతుండగాఅందులో 16 సర్పంచ్​ స్థానాలు ఏకగ్రీవమయ్యాయి. నామినేషన్ల విత్​డ్రాల  అనంతరం మిగతా 144  సర్పంచ్​ స్థానాలకు 411 మంది అభ్యర్థులు బరిలో మిగలారు. 1,402 వార్డు మెంబర్​ స్థానాలకు ఎన్నికలు జరుగుతుండగా అందులో 332 వార్డు మెంబర్​ స్థానాలు ఏక్రగీవమయ్యాయి.  రెండు వార్డులకు అసలు నామినేషన్లు దాఖలు కాలేదు. అవిపోను 1,068 వార్డు స్థానాలకు ఎన్నికలు జరుగుతుండగా 2,426  మంది అభ్యర్థులు బరిలో మిగిలారు. 

సంగారెడ్డి జిల్లాలో..

సంగారెడ్డి జిల్లాలో పోటీపడే అభ్యర్థుల్లో సయోధ్య కుదరక ఒక్కో పార్టీ నుంచి బలపరిచిన ఇద్దరు క్యాండిడేట్లు బరిలో నిలిచారు. జిల్లాలో మొదటి విడత ఎన్నికలు 136 గ్రామ పంచాయతీలు, 1,246 వార్డు స్థానాలకు ఎన్నికలు జరగాల్సి ఉండగా 7 పంచాయతీలు, 113 వార్డులు ఏకగ్రీవమయ్యాయి. దీంతో 129 పంచాయతీల్లో 394 మంది అభ్యర్థులు, 1,133 వార్డు స్థానాలకు 2,849 మంది క్యాండిడేట్లు పోటీ పడుతున్నారు. ఎంత నచ్చజెప్పినా అభ్యర్థులు వినకపోవడంతో ప్రధాన పార్టీల ముఖ్య నాయకులు తలలు పట్టుకుంటున్నారు. పార్టీకి కష్టపడ్డామని ఒకరు.. తమదే విజయమని ఇంకొకరు పోటీలో ఉంటున్నారు. 

 సిద్దిపేట జిల్లా..

సిద్దిపేట జిల్లాలో మొదటి విడతలో 7 మండలాల్లోని 163 గ్రామ పంచాయతీలకు ఎన్నికలు జరగుతుండగా16 ఏకగ్రీవమయ్యాయి. అవిపోను 147 సర్పంచ్​ స్థానాలకు ఎన్నికలు జరుగుతుండగా 594 మంది అభ్యర్థులు బరిలో మిగిలారు. 1,432 వార్డులకు 224 వార్డులు ఏకగ్రీవం కాగా మిగిలిన 1,208 స్థానాలకు 3,107 మంది అభ్యర్థులు బరిలో మిగిలారు. 

 సిద్దిపేట జిల్లా..

మండలం    జీపీలు    అభ్యర్థులు    వార్డులు    అభ్యర్థులు

గజ్వేల్    25    77    230    490

దౌల్తాబాద్    25    88    214    408

జగదేవ్ పూర్    25    159    222    560

మర్కుక్    16    65    140    308

 ములుగు    26    76    222    516

రాయపోల్    19    51    166    312

వర్గల్    27    78    238    513

మొత్తం    163    594    1,432    3,107

మెదక్​ జిల్లా

మండలం    జీపీలు    అభ్యర్థులు    వార్డులు    అభ్యర్థులు

అల్లాదుర్గం    16    56    152    283

హవేలీ ఘనపూర్    30    91    262    503

పాపన్నపేట    40    93    348    545

రేగోడ్​    18    46    152    307

పెద్దశంకరంపేట    27    59    238    438

టేక్మాల్​    29    66    250    350

మొత్తం    160    411    1,402    2,426

సంగారెడ్డి జిల్లా..

మండలం    జీపీలు    అభ్యర్థులు    వార్డులు    అభ్యర్థులు

సంగారెడ్డి    11    38    90    233

కంది    20    56    194    513  

కొండాపూర్    24    77    200    499

సదాశివపేట    29    86    260    629   

పటాన్ చెరువు    3    12    36    99

గుమ్మడిదల    8    30     66    169  

హత్నూర    34    95    287    707

మొత్తం    129    394    1,133     2,849