లండన్‌: ఇంగ్లండ్‌ స్టార్‌ ఫుట్‌‌‌‌బాలర్‌ హ్యారీ కేన్.. ప్రతిష్టాత్మక ‘బ్యాలెన్ డి ఓర్’ అవార్డును గెలుచుకున్నాడు. దాంతో గత 25 ఏళ్లలో ఈ పురస్కారాన్ని సాధించిన తొలి ఇంగ్లిష్ ప్లేయర్‌‌‌‌గా చరిత్ర సృష్టించాడు. గత సీజన్‌‌‌‌లో క్లబ్‌, జాతీయ జట్టు తరఫున కేన్ మొత్తం 73 గోల్స్‌ కొట్టి యూరప్‌ టాప్‌ స్కోరర్‌‌‌‌గా నిలిచాడు. జర్మనీ లీగ్‌‌‌‌లో బేయర్న్‌ మ్యూనిచ్‌ తరఫున, వరల్డ్‌ కప్‌‌‌‌లో ఇంగ్లండ్‌ కెప్టెన్‌‌‌‌గా వ్యవహరించిన జట్టును మూడో స్థానంలో నిలపడంలో కీలక పాత్ర పోషించాడు.
కైలియన్‌ ఎంబాపే, లామిన్‌ యామల్‌, రోడ్రి, లియోనల్‌ మెస్సీ నుంచి గట్టి పోటీ ఎదురైనా.. చివరి వరకు రేసులో నిలిచి కేన్ ఈ అవార్డును సొంతం చేసుకున్నాడు. కెరీర్‌ ప్రారంభంలో చాలా ఇబ్బందులు ఎదుర్కొన్నానని చెప్పిన కేన్.. ఈ స్థాయికి చేరుకోవడానికి చాలా పోరాడానని స్పష్టం చేశాడు. విమెన్స్‌ కేటగిరీలో స్పెయిన్‌ స్టార్‌ అలెక్సియా పుటెల్స్‌ రికార్డు స్థాయిలో మూడోసారి ‘బ్యాలెన్ డి ఓర్’ అవార్డును కైవసం చేసుకుంది. బార్సిలోనా క్లబ్‌‌‌‌ను విజయాల బాట పట్టించడంతో పాటు స్పెయిన్‌‌‌‌కు నేషన్స్‌ కప్‌‌‌‌ను అందించింది.
