- జాతీయ చేనేత రంగంలో చరిత్రాత్మకం
గట్టుప్పల్‌, వెలుగు: ఏడు దశాబ్దాల హ్యాండ్లూమ్‌ హౌస్‌ ప్రస్థానంలో తొలిసారిగా తెలంగాణకు చెందిన మహిళకు బోర్డ్‌ ఆఫ్‌ డైరెక్టర్స్‌‌‌‌లో స్థానం దక్కగా, నల్గొండ జిల్లా గట్టుప్పల్‌ చేనేత సహకార సంఘం అధ్యక్షురాలు కర్నాటి వజ్రమ్మ ఆల్‌ ఇండియా హ్యాండ్లూమ్‌ ఫ్యాబ్రిక్స్‌ మార్కెటింగ్ కో-ఆపరేటివ్‌ సొసైటీ లిమిటెడ్‌ డైరెక్టర్‌‌‌‌గా ఏకగ్రీవంగా ఎన్నికయ్యారు.
1955లో ప్రారంభమైన ఈ జాతీయ సంస్థలో ఇప్పటివరకు తెలంగాణకు ప్రాతినిధ్యం లభించని లోటును ఆమె పూడ్డారు. గ్రామీణ ప్రాంతం నుంచి జాతీయ స్థాయికి ఎదిగిన ఆమె ఎన్నికతో పోచంపల్లి, గద్వాల, నారాయణపేట, సిద్దిపేట, వరంగల్‌ తదితర ప్రాంతాల తెలంగాణ చేనేత వస్త్రాలకు జాతీయ స్థాయిలో విస్తృత మార్కెటింగ్ అవకాశాలు లభించేందుకు ప్రాధాన్యం సంతరించకుంది.
