సుల్తానాబాద్, వెలుగు: కరోనా మహమ్మారి ఓ కుటుంబంలో కల్లోలం సృష్టించింది. వారం వ్యవధిలో భార్యాభర్తలను బలితీసుకుంది. పెద్దపల్లి జిల్లా, సుల్తానాబాద్ మండలం రేగడి మద్దికుంట గ్రామానికి చెందిన అయిల సాంబమూర్తి(48), మహిమలత(46)కు సుస్మిత, హర్షిత ఇద్దరు పిల్లలు. సాంబమూర్తి హైదరాబాద్ లోని ఓ ప్రైవేట్కంపెనీలో జాబ్చేస్తూ ఫ్యామిలీతో ఉంటున్నాడు. కరోనా సోకడంతో సిటీలోని ప్రైవేట్ హాస్పిటల్లో అడ్మిట్అయ్యాడు. చికిత్స పొందుతూ గత నెల 27వ తేదీన చనిపోయాడు. తర్వాత మహిమలత టెస్టు చేయించుకోగా పాజిటివ్అని తేలింది. కొద్ది రోజులు హోం ఐసోలేషన్లో ఉన్న ఆమె.. తర్వాత సీరియస్అవ్వడంతో ప్రైవేట్హాస్పిటల్లో చేరింది. చికిత్స పొందుతూ బుధవారం మృతి చెందింది. పిల్లల పెళ్లిళ్ల కోసం కూడబెట్టుకున్న డబ్బు మొత్తం హాస్పిటల్ ఖర్చులకే అయిపోయిందని బంధువులు తెలిపారు. రూ. 20లక్షలు ఖర్చు చేసినా ప్రాణాలు దక్కలేదని కన్నీటి పర్యంతమయ్యారు.
మహబూబాబాద్లో మరో ఇద్దరు
మహబూబాబాద్ అర్బన్: ఒక్కరోజు గ్యాప్లో మహబూబాబాద్ జిల్లా కేంద్రంలో భార్యాభర్తలు చనిపోయారు. 23వ వార్డు మిలట్రీ కాలనీకి బంగారి దేవేందర్(42), సుమలత(37)కు టింకుప్రియ, సోనిక, సాయిరామ్ ముగ్గురు పిల్లలు. దేవేందర్భవన నిర్మాణ కార్మికుడిగా పనిచేస్తున్నాడు. వారం రోజుల క్రితం భార్యాభర్తలు ఇద్దరూ కరోనా బారిన పడ్డారు. ఖమ్మంలోని ఓ ప్రైవేట్హాస్పిటల్లో చేరగా చికిత్స పొందుతూ సోమవారం సుమలత మృతి చెందింది. మంగళవారం రాత్రి దేవేందర్ చనిపోయాడు.
ఒకేరోజు ఊర్లో 23 మందికి పాజిటివ్
కారేపల్లి: ఖమ్మం జిల్లా కారేపల్లి మండల పరిధిలోని గుంపెళ్ళగూడెం గ్రామంలో బుధవారం 36 మందికి పరీక్షలు చేయగా 23మందికి పాజిటివ్ గా తేలింది. ఓవైపు లాక్డౌన్కొనసాగుతున్నా కేసులు పెరిగిపోవడంపై గ్రామస్థులు ఆందోళన చెందుతున్నారు. గురువారం కూడా గ్రామంలో కరోనా నిర్ధారణ పరీక్షలు కొనసాగించనున్నట్లు మండల వైద్యాధికారి యాసా హన్మంతరావు చెప్పారు.
