జెరూసలెం: ఇజ్రాయెల్ పై దాడులు, కిబుజ్ లో ఊచకోత వెనక కీలక పాత్ర పోషించిన మరో హమాస్ టాప్ కమాండర్ను హతమార్చామని ఐడీఎఫ్ ఆదివారం ప్రకటించింది. గాజాలోని ఓ బిల్డింగ్లో ఉన్న హమాస్ మిలిటరీ వింగ్ నుఖ్బా ఫోర్స్ కు చెందిన నేవల్ ఫోర్స్ టాప్ కమాండర్ బిలాల్ అల్ కేద్రాను శనివారం రాత్రి బాంబుదాడి చేసి చంపేశామని వెల్లడించింది.
కాగా, ఖతార్లో ఆశ్రయం పొందుతున్న హమాస్ పొలిట్ బ్యూరో చీఫ్ ఇస్మాయిల్ హనియేహ్ ఆదివారం ఆ దేశ విదేశాంగ మంత్రితో భేటీ అయ్యారు. పాలస్తీనా విషయంలో సహకారంపై చర్చలు జరిపారు. మరోవైపు గాజాలో గ్రౌండ్ అటాక్ ప్రారంభిస్తే ఇజ్రాయెల్లో భూకంపం తప్పదంటూ ఇరాన్ హెచ్చరించింది.
కాగా, ఇజ్రాయెల్ లోని షుత్లాపై మిసైల్ అటాక్ చేసింది తామేనని లెబనాన్ లోని హిజ్బొల్లా టెర్రరిస్ట్ సంస్థ ప్రకటించింది. ఉత్తరం వైపు నుంచి హమాస్కు మద్దతుగా హిజ్బొల్లా చేస్తున్న దాడులకు ఐడీఎఫ్ ప్రతిదాడులు చేస్తోంది.
