మేడిపల్లి, వెలుగు: బాలికపై అత్యాచారానికి పాల్పడిన ఘటన మేడిపల్లి పీఎస్ పరిధిలో జరిగింది. మేడిపల్లి పోలీసులు, బాధితురాలి బంధువులు తెలిపిన వివరాల ప్రకారం.. బోడుప్పల్ కార్పొరేషన్ పరిధిలోని బంధువుల వద్ద ఉంటున్న బాలిక(15) స్థానిక స్కూల్లో 8వ తరగతి చదువుతోంది. అదే ఏరియాలో ఉండే కేశవరెడ్డి(36) సోమవారం బాలికపై లైంగికదాడి చేశాడు.
కొద్దిసేపటి తర్వాత బాలిక తన కుటుంబసభ్యులకు విషయం చెప్పడంతో మేడిపల్లి పీఎస్ లో ఫిర్యాదు చేశారు. నిందితుడిపై పోలీసులు పోక్సో యాక్ట్కింద కేసు నమోదు చేశారు. బాలిక స్టేట్ మెంట్ రికార్డు చేశారు. అత్యాచారానికి పాల్పడిన కేశవరెడ్డి ప్రస్తుతం పరారీలో ఉన్నాడని పోలీసులు తెలిపారు.
