మన దేశ మ్యాపింగ్ సర్వీస్ మ్యాప్ మై ఇండియా తన యూజర్ల కోసం ఒక భారీ అప్డేట్ ఇచ్చింది. ఇప్పటివరకు కేవలం వ్యక్తిగత వాహనాల నావిగేషన్ కోసం ఎక్కువగా ఉపయోగపడే ఈ యాప్, ఇకపై మెట్రో, బస్లు, రైళ్ల సమాచారం కోసం వాడొచ్చు. యూజర్లు తమ డెస్టినేషన్కి చేరుకోవడానికి బస్లు, మెట్రోలు, లోకల్ రైళ్ల రూట్లను ఈ యాప్ ద్వారా ట్రాక్ చేయొచ్చు. ఏ బస్ ఎక్కాలి? మెట్రో ఎక్కడ మారాలి? ఏ ప్లాట్ఫామ్ మీదికి రావాలి? వంటి వివరాల మ్యాప్స్ను అందిస్తుంది. రైళ్లు లేదా బస్లు ఏ టైంకి వస్తాయో, జర్నీకి ఎంత టైం పడుతుందో చూపిస్తుంది.
ఈ కొత్త ఫీచర్ మనదేశంలో హైదరాబాద్ సహా 18 సిటీల్లో అందుబాటులోకి వచ్చింది. సొంత వెహికల్స్ కంటే పబ్లిక్ ట్రాన్స్పోర్ట్ను ఎంకరేజ్ చేయడమే ఈ అప్డేట్ వెనక ఉన్న ముఖ్య ఉద్దేశం అని కంపెనీ సీఈవో రోహన్ తెలిపారు. MAPPLS యాప్లో ఇప్పటికే కొన్ని ప్రత్యేకమైన ఫీచర్లు ఉన్నాయి. ఇవి గూగుల్ మ్యాప్స్లో కూడా ఉండవు.
త్రీడి జంక్షన్ వ్యూ.. క్లిష్టమైన ఫ్లై ఓవర్లు, జంక్షన్ల దగ్గర ఏ వైపు మళ్లాలో చూపిస్తుంది. స్పీడ్ బ్రేకర్లు లేదా ప్రమాదకరమైన మలుపులు ఉంటే ముందే వార్నింగ్ ఇస్తుంది. మహిళలు, ఒంటరి ప్రయాణికులు తమ లైవ్ లొకేషన్ను ఫ్యామిలీతో షేర్ చేసుకోవచ్చు. ప్రస్తుతానికి ఈ అప్డేట్ ఐఫోన్, వెబ్ యూజర్లకు అందుబాటులోకి వచ్చింది. యాప్ స్టోర్ నుంచి ఈ యాప్ను అప్డేట్ చేయడం ద్వారా ఈ కొత్త ఫీచర్లను పొందొచ్చు. ఆండ్రాయిడ్ యూజర్లకు కూడా త్వరలోనే ఈ అప్డేట్ రానుంది.
వాట్సాప్ చానెల్లో క్విజ్!
వాట్సాప్ చానెల్స్ వాడే వారి కోసం కొత్త ఫీచర్ను తీసుకురానుంది. చానెల్స్లో ఉండే సభ్యుల కోసం క్విజ్ నిర్వహించేలా ఈ ఫీచర్ను డిజైన్ చేశారు. ఇందులో చానెల్ అడ్మిన్ ఒక ప్రశ్నను ఎంటర్ చేసి మల్టిపుల్ ఆప్షన్స్ను పెట్టడం ద్వారా క్విజ్ను క్రియేట్ చేయొచ్చు. అడ్మిన్స్ క్విజ్ను పబ్లిష్ చేసేముందు సరైన ఆప్షన్ని ఆన్సర్గా గుర్తించాలి. ఆ తర్వాత ఆన్సర్కు ఇమేజెస్ ట్యాగ్ చేయొచ్చు. క్విజ్లను ఇమేజ్ కంటెంట్, టెక్స్ట్ ప్రాంప్ట్లు లేదా బ్రాండ్లు ఎంగేజ్ చేస్తాయి.
క్విజ్ లైవ్లో నిర్వహిస్తే ఫాలోవర్లు, మెంబర్స్ ఆన్సర్ని సెలక్ట్ చేయొచ్చు. కరెక్ట్ ఆన్సర్ ఎంచుకున్నవాళ్లకు కన్ఫెట్టి యానిమేషన్తో గిఫ్ట్ వస్తుంది. ప్రతి ఆప్షన్ని ఎంతమంది సెలక్ట్ చేసుకున్నారు వంటివి చానెల్స్ ఓనర్లు చూడొచ్చు. ఈ క్విజ్ల వల్ల పబ్లిక్ అవేర్నెస్ లేదా ఇంట్రెస్ట్ అంచనా వేయొచ్చు. అంతేకాదు, అడ్మిన ఈ క్విజ్లో పార్టిసిపేట్ చేసేవారిని సేవ్ చేసుకోకపోతే లిమిటెడ్ ఇన్ఫర్మేషన్ మాత్రమే కనిపిస్తుంది. పర్సనల్ ప్రైవసీ సెట్టింగ్స్ను బట్టి అడ్మిన్లు ప్రొఫైల్ ఫొటోను మాత్రమే చూడగలరు. పేర్లు, నెంబర్లు సీక్రెట్గా ఉంటాయి. ప్రస్తుతానికి ఈ ఫీచర్ టెస్టింగ్ దశలో ఉంది.
