- మంత్రి పొన్నం ప్రభాకర్
కోహెడ, (హుస్నాబాద్), వెలుగు: రైతాంగానికి వెన్నెముకగా ఉపయోగపడే గౌరవెల్లి ప్రాజెక్టును సకాలంలో పూర్తి చేస్తామని, కాల్వల భూసేకరణకు రైతులు సహకరించాలని మంత్రి పొన్నం ప్రభాకర్ కోరారు.శనివారం హుస్నాబాద్ లోని ఎల్లమ్మ ఆయలంలో ప్రత్యేక పూజలు చేశారు. ఆలయ ఆవరణలో పెండింగ్లో ఉన్న పనుల పురోగతిపై ఈవో కిషన్రావును అడిగి తెలుసుకున్నారు. అనంతరం ఎల్లమ్మ చెరువు అభివృద్ధి పనులను పరిశీలించారు. రూ.15 కోట్లతో ఎల్లమ్మ చెరువు ఆధునీకరణ, సుందరీకరణ పనులు జరుగుతున్నాయన్నారు. బతుకమ్మ, దసరా పండగలోపు పనులు పూర్తిచేయాలని కాంట్రాక్టర్లు, అధికారులను ఆదేశించారు.
భవిష్యత్లో టూరిజం హబ్ గా కప్పు గుట్ట, హరిత హోటల్ తేవడంతో పాటు చెరువును అన్ని రకాలుగా అభివృద్ధి చేసి వాటర్ బోట్స్ తీసుకొస్తామన్నారు. హుస్నాబాద్ ప్రభుత్వ హాస్పిటల్ పనులు వేగవంతంగా జరుగుతున్నాయన్నారు. యూరియా సరఫరాపై సిద్దిపేట, కరీంనగర్, హనుమకొండ జిల్లాల కలెక్టర్లతో మంత్రి ఫోన్లో మాట్లాడారు. యూరియా నిల్వలు, సరఫరా విషయంలో మరింత పర్యవేక్షణ చేయాలన్నారు. రైతులకు ఇబ్బందులు కలగకుండా సకాలంలో యూరియా అందేలా చూడాలని సూచించారు. ఆయన వెంట సింగిల్విండో చైర్మన్శివ్వయ్య, మున్సిపల్ కమిషనర్మల్లికార్జున్ఉన్నారు.
