నేను అనని మాటలను ఆపాదించారు.. కాంగ్రెస్ గెలవదనే వ్యాఖ్యలపై వ్యవసాయ మంత్రి తుమ్మల క్లారిటీ

నేను అనని మాటలను ఆపాదించారు.. కాంగ్రెస్  గెలవదనే వ్యాఖ్యలపై వ్యవసాయ మంత్రి తుమ్మల క్లారిటీ
  • సోషల్ మీడియా ప్రచారం అవాస్తవం
  • చట్టప్రకారం చర్యలు తీసుకుంటామని వార్నింగ్ 

హైదరాబాద్, వెలుగు: సోషల్ మీడియాలో తనపై జరగుతున్న  ప్రచారంలో ఎలాంటి వాస్తవం లేదని రాష్ట్ర వ్యవసాయ శాఖ మంత్రి తుమ్మల నాగేశ్వరరావు స్పష్టం చేశారు. కాంగ్రెస్​ గెల్వదనే వ్యాఖ్యలపై ఆయన క్లారిటీ ఇచ్చారు. కరువు తర్వాత అధికార పార్టీ గెలిచిన చరిత్ర లేదంటూ చంద్రబాబు నాయుడితో  తాను ప్రస్తావించినట్లు కొందరు కావాలనే ఫేక్​ప్రచారం చేస్తున్నారని మండిపడ్డారు. 

రాజకీయ కక్ష సాధింపులో భాగంగానే తాను మాట్లాడని మాటలను తనకు ఆపాదిస్తున్నారని విమర్శించారు. ప్రజల్లో గందరగోళం సృష్టించేలా నిరాధార ప్రచారానికి పాల్పడుతున్న వారిపై చట్టప్రకారం కఠిన చర్యలు తీసుకుంటామని  తుమ్మల హెచ్చరించారు.