- ఎంపీ అర్వింద్
నిజామాబాద్, వెలుగు: పంట నష్టపోయిన రైతులకు ఎకరానికి రూ.50 వేలు పరిహారం ఇవ్వాలని ఎంపీ అర్వింద్ ప్రభుత్వాన్ని డిమాండ్ చేశారు. సోమవారం సిరికొండ, ధర్పల్లి, భీంగల్ మండలాల్లో పర్యటించారు. అనంతరం మీడియాతో మాట్లాడుతూ నష్టాలను లెక్కించడంలో ఆఫీసర్లు ఫెయిల్ అయ్యారని, ఈ పాటికి రెడీ చేసి ఉంటే తాను కేంద్రం సాయాన్ని కోరేవాడినన్నారు. వరద ఎఫెక్ట్ గ్రామాలకు అధికారులు ఒకసారి వచ్చి వెళ్లడం ఏమీ బాగోలేదని, శానిటేషన్పై ఫోకస్ పెట్టాలన్నారు.
ఇండ్లలో చేరిన బురద తొలగించడానికి పంచాయతీ స్టాఫ్ను ఉపయోగించాలని కోరారు. హెల్త్ క్యాంపులు ఏర్పాటు చేయాలన్నారు. విచారణ పేరుతో కాళేశ్వరం అంశాన్ని స్టేట్ గవర్నమెంట్ ఇన్నాళ్లు లాక్కొచ్చి ఎలాంటి చర్యలు తీసుకోలేదని ఎద్దేవా చేశారు. విషయాన్ని సీబీఐకి అప్పగిస్తూ తీర్మానించడాన్ని స్వాగతిస్తున్నట్లు తెలిపారు. జాతీయ పసుపు బోర్డు చైర్మన్ పల్లె గంగారెడ్డి, బీజేపీ జిల్లా ప్రెసిడెంట్ దినేశ్కులాచారి తదితరులు ఉన్నారు.
