తినడం తగ్గించేకన్నా.. ‘డైట్’లో ఉండాల్సిన పర్టిక్యులర్ ఫుడ్ మెయింటెయిన్ చేస్తే బరువు ఈజీగా తగ్గొచ్చు. డైట్లో నెగెటివ్ క్యాలరీ ఫుడ్ ఉంటే సులభంగా వెయిట్ లాస్ అవ్వొచ్చు అంటున్నారు న్యూట్రిషనిస్టులు. డైటింగ్లో ఉండే చాలామంది ఈ ఫుడ్కు ప్రిఫరెన్స్ ఇస్తున్నారు. సాధారణంగా తిన్నది జీర్ణం అయి క్యాలరీల రూపంలో ఎనర్జీ వస్తుంది. కానీ నెగెటివ్ క్యాలరీ ఫుడ్ నుంచి వచ్చే క్యాలరీల కన్నా.. అది జీర్ణం అవడానికి అవసరమయ్యే క్యాలరీలే ఎక్కువ. పైగా ఈ ఫుడ్ ద్వారా విటమిన్లు, మినరల్స్ అందుతాయి. ఈ నెగెటివ్ క్యాలరీలో ఉండే ఫుడ్స్, వాటి ఉపయోగాలు ఇవి..
బెర్రీస్ : బ్లూబెర్రీస్, స్ట్రాబెర్రీలలో యాంటీ ఆక్సిడెంట్స్ ఎక్కువ. ఇవి వివిధ రకాల క్యాన్సర్ల నుంచి కాపాడతాయి. అరకప్పు బెర్రీస్లో కేవలం 32 క్యాలరీలు మాత్రమే ఉంటాయి. దీంట్లో ఉండే ప్రొటీన్ వల్ల బెర్రీలను నెగెటివ్ క్యాలరీ ఫుడ్ అంటారు.
టొమాటో : వీటిలో ఫైబర్, పొటాషియం, విటమిన్–సి ఎక్కువ. టొమాటో స్కిన్ క్యాన్సర్ల నుంచి కాపాడుతుంది. వంద గ్రాముల టొమాటోలో 19 క్యాలరీలు ఉంటాయి. అందుకే వీటిని డైట్లో చేర్చాలి.
దోసకాయ : వంద గ్రాముల దోసకాయలో 15 క్యాలరీలు ఉంటాయి. వీటిలో నీటి శాతం ఎక్కువ. శరీరానికి అవసరమైన అన్ని విటమిన్లు, మినరల్స్ అందించడంతో పాటు దాహాన్ని తీరుస్తుంది. ఇది డైటరీ ఫైబర్‌ను అందిస్తుంది. పేగుల రోగాల నుంచి, డయాబెటీస్ నుంచి కాపాడుతుంది.
పుచ్చకాయ: వంద గ్రాముల పుచ్చకాయలో 30 క్యాలరీలు ఉంటాయి. పుచ్చకాయ గింజలు రక్తహీనతను నివారిస్తాయి. ఇందులోని సి, బి6 విటమిన్లు ఇమ్యూనిటీని పెంచుతాయి.
